Jɛremaya 12:9 - EBƆRƐ BE KAWƆL

⁹ Ma basa laraso ki fanɛ kabuibi nɛ e bee ji eblaŋ nɛ kumo braana ba kulti kumo n wɔtɔ nseŋ mɔ kumo a ji nna. Tre kupuŋ to be asɔbɔya lubi nɛ amo alɛ gba e ba ti so n ji kumo m moɛ.

Jɛremaya 12:9 Iomraidhean Croise

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

Aizaaya 2:11

Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 56:9

Enyɛnpe Ebɔrɛ na e kaŋɛ efuli pɔtɛana so ebi fanɛ b ba fanɛ kupuŋ to be asɔbɔya lubi m ba mur mbe basa.

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 34:20

Meeŋ shin nɛ men doŋana e mɔ bumo nɛ bumo be kebuniana e ki kusɔ jiso n sa mbuibi nɛ kupuŋ to be asɔbɔya.

Jɛremaya 7:33

Edimɛdi be kebuni beeŋ ki ajibi n sa mbuibi nɛ kupuŋ to be asɔbɔya lubi, nɛ esa kikɛ maaŋ baa wɔtɔ nɛ e baa ju amo.

Nfabel 1:17

An teŋi anyi be enɔana to nna a fin kechɛto, ama esa kikɛ maŋ chɛ anyi to. Enyɛnpe Ebɔrɛ na tre efuliana nɛ a kulti anyi na nna nɛ b ba kɔ anyi kena kaba kama so. Baa keni anyi nna fanɛ basa jiga.

Ezikɛl 34:5

Ŋkpal mbolpɔ na ka maŋ kɔ ekpapo so, b pesaŋ to nna nɛ kupuŋ to be asɔbɔya lubi bee pɛ bumo a ji.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.