Jɛremaya 12:5 - EBƆRƐ BE KAWƆL

⁵ Ndoŋ nna nɛ Enyɛnpe Ebɔrɛ na kaŋɛ le: “Jɛremaya, fo ketu edimɛdi n shile ka bee nu fo ere, feeŋ tiŋ n tu egbaŋɛ n shile nna ere a? Fo ka bee shile kakpa lela nsaa fiti a tɔr ere, feeŋ tiŋ n shile kupuŋ nɛ k dese m mata Jɔɔdan be lɔrgboŋ na to nna ere a?

Jɛremaya 12:5 Iomraidhean Croise

1 Kronikɛls 12:15

Bumo e daŋ dii Jɔɔdan be lɔr na saŋɛ nɛ k bɔlɔ n lar apla kafɛ be kufɔl juŋkparso to na n ju basa nɛ b wɔ kumo be epeŋilarkpa nɛ epeŋitɔrkpa be kaba so be kepla so na nɛ b pesaŋ to.

Nshɛ 42:7

Fo agbo ba ma so nna fanɛ teku be nchu ka baga to m muni ma so na, ŋko nchu ka shi kebee be awɔlto a wurge waa waa na.

Aŋasa 24:10

Kesɔ kapɔshi be tɔrɔ be jemanɛ bee shin nɛ esa be eleŋ bee kuso nna.

Aŋasa 3:11

M pibinyɛn, sa maa kini Enyɛnpe Ebɔrɛ na be kebela be kasogberge ŋko mbe kefiɛso be keŋini.

Jɛremaya 11:21

Anatɔf be kade to be basa daa sha kemɔ ma nna, nseŋ fiɛ ma so ŋ kaŋɛ fanɛ n yige kebaabɔ Enyɛnpe Ebɔrɛ na be kubɔya, nɛ mannɛ aloŋ baaŋ mɔ ma.

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 50:44

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Babilɔnebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Joshuwa 3:15

Kasɔteŋi be jemanɛ e daa la nɛ Jɔɔdan be lɔr na bɔlɔ n to chuful. Ama bɔrɛmatapoana nɛ b sulɔ ŋkre be deka na be aya ka baŋ chichi nchu na to,

1 Pita 4:12

Ma basa shaso, men sa maŋ shin nɛ men be ŋgbene e baa wora menyi kanaŋ ko kechɔŋkeni nɛ k bee ba menyi so fanɛ edɛ be kuwuloŋ na so a fɛ fanɛ mamachi be kesheŋ ko e naa nya menyi.