Jɛremaya 12:4 - EBƆRƐ BE KAWƆL

⁴ Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 12:4 Iomraidhean Croise

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 50:21

Men ka wora ade kikɛ, m maŋ bugi kɔnɔ, nɛ men fɛ fanɛ ma Ebɔrɛ gba du fanɛ menyi nna. Ama naniere bre meeŋ malga ŋ gbiti menyi ashi men be anishito.

Aizaaya 24:4

Kasawule wɔl a baŋɛ to, nɛ durnya kikɛ ki kakpa nɛ basa nɛ b kɔ eyilikpa nɛ bumo nɛ b maŋ kɔ eyilikpa kikɛ wu m bɛ.

Aizaaya 24:6

Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jɛremaya 23:10

Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Jɛremaya 4:25

Basa daa maŋ naa wɔtɔ; hale mbuibi kikɛ gba firgi n choŋ.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 5:13

Bumo alɛ naŋ kaŋɛ fanɛ anebiana na la befɛpo nna nɛ bumo be mmalga maŋ shi Enyɛnpe Ebɔrɛ na kutɔ. Ndoŋ nna nɛ Enyɛnpetale Ebɔrɛ na kaŋɛ ma le: “Jɛremaya, ŋkpal basa ere ka bee kaŋɛ le so, meeŋ shin nɛ ma mmalga e baa du fanɛ edɛ fo kɔnɔ to. Basa na malɛ beeŋ baa du fanɛ ndibi, nɛ edɛ na e chɔɔ amo m mur.”

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:9

Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:18

Ana wɔtɔ nna a shile yireŋ yireŋ; a shu a muni to kagbenejijaso, ŋkpal a ka maŋ nya afitiri nɛ b we so. Mbolpɔ kikɛ gba bee ji awurfoŋ nna.

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Zakareya 1:12

Nɛ malaika na kaŋɛ: “Enyɛnpetale Ebɔrɛ, fo ka nya agbo n wɔtɔ Jerusalɛm nɛ nde nɛ a wɔ Juda be efuli so na be nfɛ adushunu nde. Saŋɛ mo nɛ feeŋ wu bumo kuwɔr?”

Romebi 8:22

Ŋkpal manɛ so an baa nyi fanɛ yili kulubi be sososo na m ba fo mbre, kepɔrso kikɛ bee shu ebesa nɛ k du fanɛ kakurge to be ebesa na to nna.