Jɛremaya 12:13 - EBƆRƐ BE KAWƆL

¹³ Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 12:13 Iomraidhean Croise

Nshɛ 78:62

E daŋ nya agbo nna n wɔtɔ mo gbagba be basa nseŋ shin nɛ bumo doŋana mɔ bumo.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 4:26

Kasawule lela nɛ k bee wora adɔjibi na ki keshishɛrsawule nɛ ndegboŋana na kikɛ ki alambure. Ŋkpal manɛ so, Enyɛnpe Ebɔrɛ daŋ nya agbo ga nna.

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Hoziya 8:7

Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Maika 6:15

Menyi beeŋ dɔ n duu, ama menyi maaŋ nya shɛŋ n teŋi. Menyeeŋ ta ɔlif be bibi n wora ŋku, ama menyi alɛ maaŋ nya ŋku na n wora shɛŋ. Menyeeŋ ku eyabra ŋko n daŋɛ nsa, ama menyi maaŋ nya yabra ŋko nsa n nuu.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Heegai 1:9

Men daa tama keteŋi asɔ damta nna, ama asɔ gbrɛbi nɛ men nya n teŋi. Menyi alɛ ka naŋ bar asɔ nɛ men teŋi na epe, nɛ n shin nɛ afu ba ber amo n yɔ. Manɛ so nɛ n wora loŋ? Ŋkpal ma bɔrɛlambu ka bure a dese nɛ men pere kenishi a pɔr menyi be nwuana so.

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Ditɛronɔmi 28:38

Menyeeŋ dɔ n duu asɔduuso damta, ama gbrɛbi nɛ menyeeŋ teŋi. Elotɔr e naaŋ baa ji men be adɔjibi.