Jɛremaya 12:12 - EBƆRƐ BE KAWƆL

¹² Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 12:12 Iomraidhean Croise

Aizaaya 34:6

Bumo be ŋklaŋ beeŋ gbiti Enyɛnpe Ebɔrɛ na be tokobi na fanɛ kananɛ mbolpɔ fɔlbi nɛ mboe nɛ b ta n lara esarga be ŋklaŋ bee gbiti nsaŋɛbi na. Ŋkpal manɛ so, Enyɛnpe Ebɔrɛ na beeŋ mɔ basa damta n ta bumo n lara sarga ashi kadegboŋ nɛ baa tre Bozra na nɛ Edɔm be efuli so be kaplɛkama.

Aizaaya 57:21

Ama ma, Enyɛnpe Ebɔrɛ na nase kɔnɔ fanɛ belubiworapoana maaŋ nya kayurwushi kikɛ.”

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 16:5

Nɛ esa baŋ wu, sa maŋ kaŋ yɔ keelibuna na n ya chɔrɔ kanaŋ na ŋko a wora kuwɔr be asheŋ. M maaŋ naŋ sha ŋko n nɛfa ŋko n wu Juda be basa kuwɔr kikɛ.

Jɛremaya 25:11

Kasawule ere kikɛ e dese fuloŋ nsaa la kusɔ nɛ esa beeŋ wu kumo kenishiso nɛ k chinchiŋ mo nna. Kumo be kaman, efuli pɔtɛana nɛ e kulti kumo na be basa beeŋ baa shuŋ a sa Babilɔn be ewura nfɛ adushunu.

Jɛremaya 3:2

Men keni abeebi nɛ atarkpaŋ so! Amo be kumo so nɛ menyi maŋ ya shuŋ agbirana fanɛ kananɛ esakale bee nite a sha benyɛn na? Kananɛ beyu nɛ baa ta adoŋsɔ a suge basa be asɔ bee pugi ekpakar a jo basa na, nɛ menyi alɛ gba bee chena ekpakar a fin agbirana a shuŋ. Menyi be kagbirshuŋ nɛ k du fanɛ kubojuaji na shin nɛ mbushu sɔ kasawule na kikɛ so nna.

Jɛremaya 3:21

Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 4:27

Nɛ Enyɛnpe Ebɔrɛ na kaŋɛ le: “Kasawule na kikɛ beeŋ mur a dese fuloŋ, ama ma alɛ maaŋ mur kumo cheche.

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Jɛremaya 47:6

Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Jɛremaya 8:15

Anyi daa tama kayurwushi nɛ eyur be alenfia nna, ama kayurnyaŋ gboŋgboŋi e ba anyi so.

Nfabel 3:17

M maaŋ naŋ tiŋ n nyiŋi asɔ nɛ e la alenfia nɛ kayurwushi nɛ kagbenefuli gba.

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Ezikɛl 21:4

Ma tokobi na beeŋ yili kelargato be kaseto be kaba so m ba choŋ kelargato be esoso na kikɛ m mɔ basa kama nɛ b wɔ ndoŋ

Ezikɛl 21:8

Kumo be kaman nɛ Enyɛnpe na naŋ kaŋɛ ma le:

Ezikɛl 21:9

“Dimɛdi pibi, kaŋɛ Jerusalɛm be basa na fanɛ; N wora ma tokobi shiriya n loge, n yee kumo nɛ k bee kpa edɛ.

Ezikɛl 5:2

Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Eemɔs 9:4

Nɛ fanɛ bumo doŋana pɛ bumo ŋ ki anya n yɔ efuli pɔtɛ so kufɔ kufɔ gba, meeŋ shin nɛ b mɔ bumo ndoŋ. Mee shin nna nɛ m mur bumo, mannɛ kechɛ bumo to bre.”

Zefanaiya 2:12

Enyɛnpe Ebɔrɛ na be tokobi na beeŋ mɔ Itiopia be basa gba.

Ditɛronɔmi 32:42

Bumo be ŋklaŋ beeŋ baa chise ma atanyembi so, nɛ ma tokobi e mɔ bekama nɛ b maa shuli a sa ma na. M maaŋ shin nɛ ekama nɛ e bee kɔ ma e ta mbe kumu n ji; bumo nɛ b nya doro nɛ bumo nɛ b wɔ kabuti to kikɛ beeŋ wu.’

Kelaraŋŋini 6:4

Ndoŋ nna nɛ gbaŋɛ ko malɛ naŋ lar m ba m pere le kpaw. B daŋ sa kumo be ediipo eleŋ nna fanɛ e lara kagbenewushi ashi kasawule so nɛ basa e baa mɔ abar. B daŋ ta tokobi gboŋgboŋi ko nna n sa mo.