Jɛremaya 12:1 - EBƆRƐ BE KAWƆL

¹ Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 12:1 Iomraidhean Croise

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Job be kawɔl 13:3

Ama Enyɛnpetale Ebɔrɛ na nɛ mee sha nɛ n tu n ji kusɔ nɛ k tu ma ere, mannɛ menyi.

Job be kawɔl 24:12

Basa nɛ b doro nɛ bumo nɛ baa wu ashi ndegboŋana be agbembiana so na bee shu a fin kechɛto, ama Ebɔrɛ maa wora shɛŋ.

Job be kawɔl 24:23

Ebɔrɛ beeŋ tiŋ n shin nɛ b baa wɔtɔ fanɛ shɛŋ ka maaŋ tiŋ n wora bumo na, ama mo alɛ be anishi wɔ bumo so jemanɛ kikɛ nna.

Job be kawɔl 8:17

Loŋ be afitiri na be nliŋi bee luri ajembu to nna a nya a mur achin a yili nɛnɛ.

Nshɛ 116:5

Enyɛnpe Ebɔrɛ na bee wu kuwɔr nsaa walɛ; Kashenteŋto Ebɔrɛ kɔ kushuso pasaa.

Nshɛ 119:137

O Enyɛnpe Ebɔrɛ, fo niŋi nna nɛ fo mbraana malɛ bɔla ekpa.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 145:17

Enyɛnpe Ebɔrɛ na be kesheŋ wora kikɛ niŋi nna, mo alɛ kɔ kasha nna n sa mbe asɔ to so kikɛ.

Nshɛ 37:1

Sa maŋ shin nɛ belubiworapoana be asheŋ woraso e baa fɔŋ fo, ŋko n shin nɛ bumo be kanya be asheŋ e baa besa fo.

Nshɛ 37:35

N wu amukpakpasowuraana ka puni basa n nyalɛ; fanɛ kananɛ ndibi bee daŋ a walɛ nɛnɛ ashi kasawule lela so na.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Nshɛ 92:7

kumukpakpasowura beeŋ tiŋ m purge fanɛ afitiri, nɛ belubiworapoana e nya asɔ nseŋ dii dama. E maŋ nyi fanɛ bumo kikɛ beeŋ mur cheche mbaanaayɔ.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Kaŋinichiŋgeliŋ 8:14

Kusɔ ko nɛ kumo be kepin to du kpakpa kraa wora kasawule so. Kumo e la fanɛ basa niŋiso ka bee nya kasogberge nɛ k daga kumukpakpasowuraana, nɛ kumukpakpasowuraana bee nya kemaŋkura nɛ k daga basa niŋiso. Ma ere kutɔ kede gba maŋ kɔ kifito.

Aizaaya 41:21

Kusɔ nɛ Enyɛnpe Ebɔrɛ, Israɛl be ewura na kaŋɛ nde: “Menyi efuli pɔtɛana be agbirana na e kaŋɛ kusɔ nɛ men kɔ nɛ men kaŋɛ ma! Men ta kamɔrɔji kama nɛ men kɔ m ba!

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 12:6

Fo kurgepoana nɛ fo kanaŋ to be basa kikɛ debɔr fo. B tu basa nɛ baa tɔrɔ fo ga na nna a tɔrɔ fo. Nɛ baa malga nɛnɛ a laŋɛ fo kaplɛa so gba, sa maŋ kaŋ yirda bumo.”

Jɛremaya 3:20

Ama men maŋ ji kashenteŋ n sa ma, fanɛ eche nɛ e maŋ kɔ kashenteŋji n sa mo kul na. Ma, Enyɛnpe Ebɔrɛ e kaŋɛ na”

Jɛremaya 3:7

N daa fɛ fanɛ ade kikɛ be kaman e beeŋ bɛta m ba ma kutɔ, ama e maŋ bɛta m ba. Juda be efuli nɛ k maa ji kashenteŋ nsaa la fanɛ eniopibi n sa Israɛl be efuli na gba wu kusɔ nɛ k wora na kikɛ.

Jɛremaya 32:16

Ŋ ka ta kasawule na be ketɔ be nwɔl na n sa Baruk n loge nɛ ŋ kule Ebɔrɛ ŋ kaŋɛ le:

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Ezikɛl 18:25

Menyi Israɛl be basa bee kaa kaŋɛ fanɛ, kusɔ nɛ Enyɛnpe bee wora na maŋ walɛ. Ama men nu nfe, mannɛ ma e naa wora asɔ nɛ a maŋ walɛ. Menyi e naa wora asɔ nɛ a maŋ walɛ!

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Malakai 2:17

Men shin nɛ menyi be mmalga fi Enyɛnpe Ebɔrɛ, ama le nɛ menyee bishi: “Nuso nɛ anyi be mmalga wora n fi mo? Ŋkpal men ka bee kaŋɛ fanɛ Enyɛnpetale na bee fɛ fanɛ belubiworapo bre e walɛ so, nseŋ naa kaŋɛ fanɛ bumo be asheŋ bee par mo so.” Kumo be kaman nɛ men naa kaŋɛ le: “Nnɛ nɛ Ebɔrɛ nɛ e bee ji asheŋ nɛ amo be ekpa so na wɔ?”

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.