Jɛremaya 11:7 - EBƆRƐ BE KAWƆL

⁷ Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 11:7 Iomraidhean Croise

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Kronikɛls 36:15

Enyɛnpe Ebɔrɛ nɛ e la bumo nananyɛnana be Ebɔrɛ na daa shuŋi anebiana nna, nɛ baa kpele bumo kusoe ŋkpal e ka daa maa sha kemur mbe basa nɛ mbe bɔrɛlambu nɛ e wɔ kumo to na so.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 25:3

“Beeŋ wora fanɛ nfɛ adunyɔ nɛ asa nna na Enyɛnpe Ebɔrɛ na ka sa ma kubɔya fanɛ n ta n sa menyi. Ma alɛ maŋ kini kubɔya na be kebɔ n sa menyi, ama menyi maŋ nu n sa kumo. Ammɔn pibinyɛn, Josaya ka ji kuwura Juda be efuli so be nfɛ kuduasa to nna na.

Jɛremaya 25:4

Enyɛnpe Ebɔrɛ na shuŋi anebi damta nɛ b la mbe mbɔ menyi kutɔ, ama menyi maŋ nu n sa bumo.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 34:14

nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Jɛremaya 35:14

Jonadab be kaman to ebi wora kusɔ nɛ e kaŋɛ bumo kenishipereso na kasonu nsaa maa nuu yabra. Hale nɛ mbre bumo to be ekama maŋ naŋ nuu yabra be yiri kikɛ. Ama mee malga a sa menyi saŋkama, menyi alɛ maa wora ma kasonu.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 7:13

Menyi alɛ gba bee wora alubi nna na nɛ mee malga a sa menyi kapa nɛ kanyɛ, ama men maa nu a sa ma. M baŋ tre menyi gba menyi maa shuli ma so.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Zakareya 1:4

Men sa maa wora fanɛ men nanaana na. Dra na kikɛ nɛ anebiana na ta ma kubɔya na n sa bumo fanɛ b sa maa wɔ kebaawɔtɔ lubi to. Ama b daa maŋ nu n sa ma ŋko n wora ma mmalga kasonu.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

Ditɛronɔmi 8:6

Amoso men baa wora Enyɛnpe Ebɔrɛ na be mbraana na kasonu nsaa ta kufu nɛ kechicha chicha a bunyaŋ mo.

2 Tɛsalɔnikaebi 3:12

Anyee kaŋɛ nsaa fiɛ le be basa so Enyɛnpe Yesu Kristo be ketre to fanɛ b ta bumo be amu boeŋ a wora bumo be ashuŋ a bela bumo gbagba be amu.

1 Samuɛl 8:9

Kusɔ kama nɛ b kaŋɛ, fo nu n sa bumo, ama wora ania ŋ kpele bumo kusoe kenishipereso nɛ b pin kananɛ ewura na beeŋ ba kaa wora bumo.”