Jɛremaya 11:6 - EBƆRƐ BE KAWƆL

⁶ Ndoŋ nna nɛ Enyɛnpe Ebɔrɛ na kaŋɛ ma le: “Yɔ Juda be ndeana to nɛ Jerusalɛm be agbembi so n ya ber kebomboŋ ŋ kaŋɛ basa na fanɛ b nu kɔnɔkoŋwule be ŋkre na be asheŋ be kananɛ e kaŋɛ nseŋ wora amo kasonu.

Jɛremaya 11:6 Iomraidhean Croise

Nshɛ 15:5

Bumo nɛ baa ta bumo be amansherbi a paŋ basa nsaa maa wɔtɔ nchu na; ŋko a sɔ brɔbu nsaa ji a chɛ alubiworapoana to na. Loŋ be basa bre maaŋ ji anishinyɔr kikɛ.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 19:2

m bɔla kabunagboŋ nɛ baa tre Mpuya bureso be Kabunagboŋ na to n yɔ ketaŋɛ nɛ baa tre Hinnɔm be Ketaŋɛ na to n ya bɔ kubɔya nɛ e beeŋ sa ma ndoŋ na n sa bumo.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Jɛremaya 3:12

E daŋ kaŋɛ ma nna fanɛ n ya kaŋɛ Israɛl le: “Israɛl nɛ e maa ji kashenteŋ ere, bɛta m ba ma kutɔ. Mee wu kuwɔr nna nsaa maaŋ nya agbo n wɔtɔ fo mbaanaayɔ.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.