Jɛremaya 11:22 - EBƆRƐ BE KAWƆL

²² Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 11:22 Iomraidhean Croise

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 44:13

Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Jɛremaya 49:26

Loŋ be kachɛ na kaŋ fo bedoŋ beeŋ mɔ mbrantiɛfɔlbi na agbembi so nseŋ mur bumo be benapo kikɛ.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Nfabel 2:21

Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.