Jɛremaya 11:19 - EBƆRƐ BE KAWƆL

¹⁹ N daa du fanɛ kpakpafɔlbi nɛ e du boeŋ nɛ b kɔ a yɔ nɛ b ya mɔ nna. N daa maŋ nyi fanɛ ma so nɛ b daa kre asheŋ lubi na. Le nɛ b daa kaŋɛ a laŋɛ ma kaplɛa so: “Men shin nɛ an mɔ mo nseŋ lara mo ashi basa keniso to, saŋɛ na so esa kikɛ maaŋ naa nyiŋi mbe asheŋ.”

Jɛremaya 11:19 Iomraidhean Croise

Job be kawɔl 28:13

Esa maaŋ tiŋ n wu kanyiasheŋ edimɛdi to. Esa kama malɛ maŋ nyi tɔnɔ nɛ k kɔ.

Nshɛ 109:13

Ebɔrɛ e shin nɛ mbe kanaŋ nɛ kaman to ebi kikɛ e mur kuraa; nseŋ shin nɛ b teŋ bumo be atre so hale mbaanaayɔ.

Nshɛ 112:6

Shɛŋ maaŋ tiŋ n chɛrga bumo be kesheŋ wora; basa malɛ maaŋ teŋ bumo be alelasheŋ so kikɛ.

Nshɛ 116:9

Naniere ma nɛ mo e naŋ baa bɔ aya a nite ashi basa nɛ b wɔ ŋkpa to be kasawule so.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 27:13

M baa nyi geeŋ fanɛ meeŋ ji efute, nseŋ wu fo alelasheŋ durnya ere to.

Nshɛ 31:13

N nu basa ka bee kuli ma, nɛ kufu pɛ ma ga. B yɛ, baa kre ma ŋkre nna, a fin ma nɛ b mɔ.

Nshɛ 35:15

Ama asheŋ ka tu ma ere bumo be ŋgbene fuli bumo nna nɛ b shɛr a wora ma eyurto. Nɛ befɔ kulti ma n wɔtɔ a bri ma, nɛ b la ma to.

Nshɛ 52:5

Kashenteŋto, Ebɔrɛ beeŋ jija fo mbaanaayɔ; E beeŋ to m pɛ fo to ŋ gberge fo n lar fo laŋ to. E beeŋ tia fo ashi basa keniso be kasawule so.

Nshɛ 83:4

B yɛ: “Men ba nɛ an ya mur bumo be efuli na, nɛ esa maaŋ naa nyiŋi Israɛl be asheŋ hale mbaanaayɔ.”

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Aŋasa 24:15

Sa maa kɔ kumu kpakpaso fanɛ belubiworapo nɛ baa yuri basa lela be asɔ, ŋko a suge bumo be nwu na.

Aŋasa 7:22

Nseŋ bɛ mo so epul na to fanɛ kananɛ baa keta kusɔbɔya a yɔ nɛ b ya mɔ, ŋko kananɛ chibir bee shile a luri kejigbelɛ to nɛ k bee pɛ kumo,

Aizaaya 32:7

Esa nɛ e maa ji kashenteŋ la esa lubi nna nsaa wora asheŋ lubi nawule. E bee kre kebɔla efɛ so nna m mur betirpo nseŋ kuŋ bumo ekpa nɛ b sa maŋ nya kusɔ nɛ k daga bumo.

Aizaaya 38:11

N daa maa tama fanɛ meeŋ naŋ wu fo, Enyɛnpe Ebɔrɛ na, ŋko basa nɛ b kraa wɔ ŋkpa to ashi durnya to kikɛ.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Nfabel 3:60

Fo nyi kananɛ n doŋana kishi ma, nseŋ naa nyi kananɛ b kre kulubi a laŋɛ ma kaplɛa so.

Ezikɛl 32:24

Elam nɛ kumo be benapo be nchaŋana kulti kumo na gba wɔ ndoŋ. Kena to nɛ b daŋ mɔ basa nɛ b maa ŋana Ebɔrɛ na kikɛ nɛ b yɔ bubuni to. Bumo e daa funti basa nɛ b wɔ ŋkpa to na, ama naniere bumo e ji anishinyɔr a dese bubuni to na.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Hoziya 9:8

Ebɔrɛ shuŋi ma nna fanɛ anebi nɛ m ba kpele mbe basa Israɛlebi kusoe, ama kaplɛkama nɛ m bɔla, menyee sho ma ajigbelɛ nna fanɛ kabuibi na. Anebiana ki basa bumo doŋana nna ashi Ebɔrɛ be lambu to.

Nɔmbɛs 1:14

nɛ Duwɛl pibinyɛn Elisaaf shi Gad be yiri to