Jɛremaya 11:17 - EBƆRƐ BE KAWƆL

¹⁷ Ma, Enyɛnpetale Ebɔrɛ na e duu Israɛl nɛ Juda be basa fanɛ kedibi, ama naniere meeŋ shin nɛ kemur gboŋgboŋi e ba bumo so. Bumo gbagba e bar kumo be loŋ ŋkpal b ka wora kulubi so. B lara esarga nna n sa kegbir nɛ baa tre Baal na n shin nɛ ma kagbene kaa bumo so.”

Jɛremaya 11:17 Iomraidhean Croise

2 Samuɛl 7:10

N sa ma basa Israɛlebi bumo gbagba be kakpa nɛ b chena, saŋɛ na so, shɛŋ shɛŋ maaŋ naŋ tɔrɔ bumo. Baŋ yili saŋɛ so nɛ b ba chena kasawule ere so kikɛ, basa lubi maŋ yige bumo ama loŋ maaŋ naŋ wora kikɛ.

2 Kronikɛls 28:25

E daŋ pɔr mboŋ nɛ baaŋ baa shuŋ agbir nɛ kakpa nɛ baaŋ baa chɔɔ duwu a sa efuli pɔtɛana so be agbir ashi ndegboŋ nɛ ndewurbi kikɛ nɛ a wɔ Juda be efuli so na nna. Kumo be loŋ e daŋ shin nɛ Enyɛnpe Ebɔrɛ nɛ e la mo nananyɛnana be Ebɔrɛ na be agbo ba mo so na.

Nshɛ 44:2

kananɛ fo ta fo eleŋ n ju basa nɛ b daa wɔ efuli ere so dra dra na, nseŋ shin nɛ an nananyɛnana sɔ kasawule ere nɛ kananɛ fo shin nɛ asheŋ nite nɛnɛ n sa bumo.

Nshɛ 80:15

Ba mɔlga kefeelebi popɔrbi nɛ fo gbagba fɛa nseŋ shin nɛ k daŋ n nya eleŋ ga na.

Nshɛ 80:8

An du fanɛ asɔrso nɛ baa tre greeps na be kefeelebi nna, nɛ fo keta anyi n lar Ijipt be efuli so nseŋ ba ju efuli pɔtɛana so be basa n lɛ nseŋ ta anyi n fɛa bumo be kasawule so.

Aizaaya 5:2

N teri na daŋ pulgi kasawule na to nna, n tise kumo so be ajembu kikɛ pɔɛŋ; nseŋ duu afeelebi lela kumo so. Kumo be kaman nɛ e pɔr egbal a kuŋ amo, nseŋ pɔr ebu jeŋgreŋ ko nɛ baaŋ baa yili so a keni kudɔ na nseŋ kur kemaŋ nɛ baaŋ baa nyaŋ asɔrso na a wɔtɔ. E daa tama fanɛ asɔrso na beeŋ wora nɛnɛ nseŋ pere a wɔ ebel nna, ama amo kikɛ daa du nyaŋnyaŋ nna.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 1:14

Ndoŋ nna nɛ Enyɛnpe Ebɔrɛ na kaŋɛ ma le: “K maaŋ chɛr nɛ kemur gboŋgboŋi e shi kelargato be esoso be kaba so m ba bekama nɛ b wɔ kasawule so.

Jɛremaya 11:11

Amoso ma, Enyɛnpe Ebɔrɛ na beeŋ shin nɛ b ji awurfoŋ ga. Nɛ b kaa shu a fin ma kechɛto, m maaŋ tuge bumo.

Jɛremaya 11:13

Ŋkpal manɛ so, Juda be efuli so be kadegboŋ kikɛ to kɔ agbir nɛ Jerusalɛm to be kegbembi kikɛ ase kɔ kegbirsure nɛ baa lara esarga kumo so a sa kegbir nɛ baa tre Baal nɛ kumo be asheŋ bee nu agbo ga na.

Jɛremaya 12:2

Fo e duu bumo fanɛ ndibi nɛ baa mur achin, nsaa daŋ a sɔr asɔrso. B baa malga fo asheŋ lela gba be asheŋ, k maa shi bumo be ŋgbene to.

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 18:8

nɛ efuli na so be basa tuba nseŋ yige bumo be asheŋ lubi na be kebaawora, m maaŋ naŋ wora kusɔ nɛ n daŋ kre kewora bumo na.

Jɛremaya 19:15

fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Jɛremaya 24:6

Meeŋ keni bumo so nseŋ bɛta bumo m ba kasawule ere so. Ma alɛ beeŋ shin nɛ asheŋ a nyalɛ n sa bumo nɛ b maaŋ laŋɛ kaman ashi kebaawɔtɔ to, nɛ k wora fanɛ ŋ ka duu bumo nɛ b kɔr na.

Jɛremaya 26:13

A daga fanɛ men chɛrga menyi be kebaawɔtɔ nɛ asheŋ woraso nseŋ wora Enyɛnpe, menyi be Ebɔrɛ na kasonu. Nɛ men wora loŋ, e beeŋ chɛrga mbe nfɛra a laŋɛ kemur nɛ e kaŋɛ fanɛ e beeŋ bar menyi so na.

Jɛremaya 26:19

Ndoŋ nna nɛ benimuana na kraŋ naŋ kaŋɛ ewura Hɛzekaya nɛ e shin nɛ Juda be basa na maŋ mɔ anebi Maika. Ama kusɔ Hɛzekaya daŋ wora e la fanɛ e daŋ maŋkura Enyɛnpe Ebɔrɛ na nna nseŋ kule mo fanɛ e wu mo kuwɔr. Kumo be kaman nɛ Enyɛnpe Ebɔrɛ na chɛrga mbe nfɛra a laŋɛ jɛrbi nɛ e daŋ kaŋɛ fanɛ e beeŋ shin nɛ b ji na be kaplɛa so. An peebi Juda be basa, nɛ an mɔ Jɛremaya, anyeeŋ ji jɛrbi lubi.”

Jɛremaya 32:29

nseŋ nya edɛ n wɔtɔ kumo to n chɔɔ m mur. Kananɛ basa daa chɔɔ eduwu nwu na be adamta be achoŋi so a sa kegbir nɛ baa tre Baal na nseŋ naa ta yabra a to nchu a sa agbir pɔtɛana na, e shin nɛ n nya agbo na.

Jɛremaya 32:30

Israɛl nɛ Juda be basa be edaŋkaresheŋ to be sososo kikɛ, b maŋ tiŋ n wora asheŋ nɛ a par ma. Bumo be asheŋ woraso bee wɔtɔ ma agbo to nna.

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Jɛremaya 36:7

Ashere baaŋ kule Enyɛnpe Ebɔrɛ na ketampaŋ nseŋ lar bumo be asheŋ lubi to, ŋkpal manɛ so, Enyɛnpe Ebɔrɛ na nya agbo ga nna n wɔtɔ bumo.

Jɛremaya 40:2

Nebuzaradan daŋ keta ma nna n lar ekarso nseŋ ya kaŋɛ ma le: “Enyɛnpe fo Ebɔrɛ na daŋ kpele fo basa kusoe fanɛ e beeŋ mur kasawule ere,

Jɛremaya 40:3

naniere e wora kusɔ nɛ e kaŋɛ e beeŋ wora na. Ade kikɛ malɛ wora nna ŋkpal fo basa ka wora alubi n da mo ere Enyɛnpe Ebɔrɛ na so nsaa maŋ wora mo kasonu so.

Jɛremaya 42:10

E yɛ: ‘Nɛ menyee sha kechena kasawule ere so, kumo ere mee leŋ menyi to nna nɛ men chena kumo so nɛ m baa chɛ menyi to, saŋɛ na so men maaŋ naŋ lar kumo so. Kemur nɛ n shin nɛ k ba menyi so na sa ma kebɔltofinfin damta ga.

Jɛremaya 44:5

Ama menyi maa nu ŋko n wɔtɔ lakal kusɔ nɛ baa kaŋɛ na to. Men kini keyige kebaalara esarga a sa agbirana na.

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 45:4

Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

Jɛremaya 7:18

Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Ezikɛl 17:5

Kumo be kaman nɛ kajɔnɔkoso na ta Israɛl be efuli so be keduuso n ya duu kasawule lela nɛ k mata kabombi so, kakpa nɛ k beeŋ baa nya nchu jemanɛ kikɛ nseŋ tiŋ n daŋ nɛnɛ na.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.