Jɛremaya 11:16 - EBƆRƐ BE KAWƆL

¹⁶ Jemanɛ ko n daŋ ta bumo nna fanɛ kedibi nɛ baa tre ɔlif nɛ k kɔ asɔrso lela ga na, ama naniere meeŋ shin nɛ kakpa a gbri fanɛ bɔrɛ ka ponte na nɛ afantaŋ na e suse so nɛ ayabi na malɛ e buri n tɔr.

Jɛremaya 11:16 Iomraidhean Croise

Job be kawɔl 8:16

Basa lubi du fanɛ afitiri nɛ a bee nya epeŋi nɛ bɔrɛchu nɛnɛ nna; a bee daŋ nɛnɛ nna nɛ amo be nliŋi bee yɔ kufɔ n sɔ kudɔbi na kikɛ to.

Nshɛ 52:8

Ama ma ere du fanɛ ɔlif be kedibi nna, a daŋ nsaa walɛ saŋkama ashi Ebɔrɛ be laŋ to. Ma alɛ be yirda deŋ mbe kasha nɛ k maŋ kɔ ekar na so saŋkikɛ nna.

Nshɛ 80:16

Bedoŋ ba ku kefeelebi na n lɛ nseŋ nya edɛ n wɔtɔ kumo to. Naniere shin nɛ fo agbo e ba mur bedoŋ na.

Nshɛ 80:17

Chɛ esa nɛ e chena fo enɔ jisa so na to. Mo e la nyiŋgbasa pibinyɛn nɛ fo bela mo n sa fo kumu na.

Nshɛ 83:2

Keni, fo doŋana e lar fo kaman nseŋ koso a kɔ fo na.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Hoziya 14:6

Menyeeŋ ki fanɛ kedibi nɛ baa tre ɔlif nɛ k purge afantaŋ a walɛ na. Menyi beeŋ baa kɔ efɛa belbelso fanɛ ndibi nɛ baa tre sida nɛ a wɔ Lebanɔn na.

Matiu 3:10

Men du fanɛ ndibi sɔrso nna. Kedibi kama nɛ k maa sɔr asɔrso lela, kekpanfu tea wɔtɔ epul na to nɛ b ta ŋ ku kumo be kaseto n lɛ nseŋ ta kumo n wɔtɔ edɛ to.

Baru lela nɛ Jɔn kute na 15:6

Esa kama nɛ e maŋ wɔ ma to du fanɛ kedibi be keyabi nɛ b ku ashi kedibi gbagba so nna n lɛ nɛ k bee wɔl na nna. Ayabi mo nɛ a du loŋ malɛ, baa muu amo nna n wɔtɔ edɛ to nɛ a chɔɔ.

Ditɛronɔmi 28:40

Ɔlifs be ndibi beeŋ kɔr kaplɛkama ashi efuli na so, ama menyi alɛ maaŋ nya ɔlifs be ŋku ŋ gbiti menyi be amu to. Ŋkpal manɛ so, amo be asɔrso beeŋ chuge n tɔr nɛ a maŋ naŋ daŋ.

Kelaraŋŋini 11:4

Eshɛdajipo anyɔ na e la Ɔlif be ndibi anyɔ nɛ kefitilatɔl anyɔ mo nɛ amo kikɛ yil Enyɛnpe mo nɛ e wɔ kasawule ere na be anishito na.