Jɛremaya 11:10 - EBƆRƐ BE KAWƆL

¹⁰ Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 11:10 Iomraidhean Croise

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Jɛremaya 13:10

Le be basa lubi ere kini kewora ma kasonu. B wora bumo be amu nɛ ŋgbene kpakpa nna nseŋ kini kebaashuŋ ma n ya kaa shuŋ agbirana. Amoso baaŋ ki fanɛ dɔkɔri nɛ k wu nsaa maŋ naa kɔ tɔnɔ kikɛ na.

Jɛremaya 17:23

Bumo nananyɛnana bre daŋ maŋ nu m bɛ kusɔ nɛ ŋ kaŋɛ na so. Ama b daŋ wora bumo be ŋgbene kpakpa nseŋ kini kewora ma kasonu ŋko kekoya asheŋ ashi ŋ kutɔ nna.

Jɛremaya 22:9

Ndoŋ nna nɛ beko e kaŋɛ fanɛ ŋkpal men ka kplaŋ ma nɛ menyi be kɔnɔkoŋwule be ŋkre so nseŋ ya kaa shuŋ nsaa bunyaŋ agbir pɔtɛana so nɛ m mur kumo.”

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Jɛremaya 44:5

Ama menyi maa nu ŋko n wɔtɔ lakal kusɔ nɛ baa kaŋɛ na to. Men kini keyige kebaalara esarga a sa agbirana na.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Ezikɛl 5:6

Ama Jerusalɛm to be basa lar ma kaman nseŋ kini kewora m bɛ ma mbraana nɛ ma atande so. B kplaŋ ma mbraana so nsaa wora alubi a chɔ efuliana nɛ a kulti bumo na gba.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Levitikɔs 26:15

Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Zakareya 1:4

Men sa maa wora fanɛ men nanaana na. Dra na kikɛ nɛ anebiana na ta ma kubɔya na n sa bumo fanɛ b sa maa wɔ kebaawɔtɔ lubi to. Ama b daa maŋ nu n sa ma ŋko n wora ma mmalga kasonu.

Zakareya 7:11

Ama ma basa ta ŋkpensheŋ nna m pal kaman n sa ma nseŋ ti bumo be asoe ŋ kini kenu n sa ma. B daŋ kplaŋ ma so nna

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 9:7

Men sa maŋ kaŋ teŋ kananɛ men daŋ shin nɛ Enyɛnpe menyi be Ebɔrɛ na nya agbo ashi keshishɛrsawule na so na. Yili kachɛ nɛ men lar Ijipt be efuli so m ba fo nfe, men baa la basa nɛ menyee lar Enyɛnpe Ebɔrɛ na kaman nna.

Hibruwebi 8:9

Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.

Demujipoana 2:19

Ama nɛ ejuŋkparpo na baŋ wu b naa bɛta nna a yɔ asheŋ alubi nɛ a chɔ amo nɛ bumo tutoana daa wora na gba to. Kumo e la fanɛ baa bɛ agbirana so nna a shuŋ amo nsaa kini kelar bumo be asheŋ jiga to.

1 Samuɛl 15:11

“K wora ma kagbenejija ga fanɛ ŋ ka ta Sɔɔl ŋ ki ewura; ŋkpal manɛ so e pal kaman n sa ma nseŋ kini ma mbra be keb so.” Kumo be loŋ daŋ pɛ Samuɛl agbo ga nɛ e kule Ebɔrɛ awɔrso hale nɛ kare ba chɛ.