Jɛremaya 10:9 - EBƆRƐ BE KAWƆL

⁹ Edimɛdi e naa lɔŋɛ agbir. Eshɛlpo e naa ku kedibi n shɛl, nɛ basa nɛ b nyi enɔ to be kushuŋ fanɛ ebɔyɛpo malɛ e ŋalga shuwa nɛ k shi Ufaz be efuli so ŋko gbiti nɛ k shi Speen be efuli so n wurge kedibi nɛ e shɛl na so. Kumo be kaman nɛ basa nɛ b nyi kananɛ baa ba asɔbuuso e ta wajɛchɛbi nɛ b nyɔɔ buru nɛ kepeper kunɔkunɔ m ba asɔbuuso m buu kedibi shɛlso na nɛ k ki kegbir.

Jɛremaya 10:9 Iomraidhean Croise

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

2 Kronikɛls 9:21

Ewura Sɔlɔmɔn daa kɔ nchu so be ekuloŋgboŋ damta nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a bɛta a ba.

Nshɛ 115:4

Ama shuwa nɛ gbiti nɛ efuli pɔtɛana be basa bre ta n lɔŋɛ bumo be agbirana a shuŋ.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Aizaaya 23:6

Menyi nɛ men wɔ efuli nɛ baa tre Fenisha na e boŋ to awɔrso n shu ga nseŋ wora ania n shile n yɔ efuli nɛ baa tre Speen na!

Aizaaya 40:19

E maŋ du fanɛ kegbir nɛ dimɛdi lɔŋɛ na nna, ŋko kegbir nɛ bɔyɛpo ŋalga shuwa ŋ gbiti nseŋ ta gbiti be kubɔtoshembi n ji kumo kebita na nna.

Ezikɛl 27:12

Fo nɛ Speen be efuli so be basa daŋ ji yawu nna nɛ b ta gbiti nɛ abɛlso nɛ anyembi nɛ epal kikɛ ŋ ka fo asɔ damtaana be kukɔ.

Ezikɛl 27:7

Wajɛchɛbi lela nɛ b lue nɛ k shi Ijipt be efuli so nɛ b ta n chɛ nɛ afu bee ber kumo a keta fo a nite. Esa wɔ kufɔ nseŋ wu kumo gba e beeŋ pin fanɛ k la feya nna. Kechɛbi gbɛgbɛso nɛ k walɛ ga nɛ b ta n chɛ m buu fo so a kuŋ epeŋi, Kechɛbi buru nɛ kepeper kunɔkunɔ nɛ k shi Saiprus be keplasawule so e la kumo.

Danɛl 10:5

Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to.

Hoziya 8:6

Israɛl be esa nɛ e nyi enɔ to be kushuŋ e daŋ lɔŋɛ kegbir na, ama kumo alɛ maŋ la ma Enyɛnpe Ebɔrɛ na! Amoso k beeŋ buri to le kpachɛrkpachɛrbi.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.