Jɛremaya 10:4 - EBƆRƐ BE KAWƆL

⁴ Kumo be kaman nɛ b ŋalga shuwa nɛ gbiti n wurge amo so nseŋ gbir amo anyembi n yili nɛ e sa maŋ melgi n tɔr kasawule.

Jɛremaya 10:4 Iomraidhean Croise

Nshɛ 115:4

Ama shuwa nɛ gbiti nɛ efuli pɔtɛana be basa bre ta n lɔŋɛ bumo be agbirana a shuŋ.

Nshɛ 135:15

Shuwa nɛ gbiti e la efuli pɔtɛana be agbirana; edimɛdi e ta enɔ n lɔŋɛ amo.

Aizaaya 44:12

Bɔyɛpo e naa ta kebɛlso a wɔtɔ edɛ to nsaa bɛa kumo a lɔŋɛ asɔ. Enɔ to nɛ e bee keta hama na a bɛa kebɛlso a lɔŋɛ kapɔrduli nɛ e bee sha na. Jemanɛ nɛ e bee shuŋ na, akoŋ nɛ achukoŋ kikɛ bee pɛ mo nna nɛ mo alɛ naa gben a ti so, a ŋini fanɛ dimɛdi e la mo.

Aizaaya 46:6

Basa ko bee ber ebɔyɛpo paa nna, a sa bumo shuwa nɛ gbiti fanɛ b lɔŋɛ agbirana n sa bumo nɛ b baa shuŋ amo.

Aizaaya 46:7

Baa kaa sulɔ agbirana na bumo be abatimu so nna n ya ka yili amo be eyilikpa nɛ e maa nite. Nɛ esa baŋ yɔ amo ase n ya malga amo kutɔ gba, a maaŋ tiŋ n tuge mo ŋko m mɔlga amodoŋwura ashi tɔrɔ kikɛ to.

Hoziya 13:2

B daa wɔtɔ nna a wora alubi nsaa ta gbiti a lɔŋɛ agbir nɛ a duli anabi nna. Le nɛ b daa kaŋɛ: “Men lara sarga n sa agbir na.” Nuso malɛ nɛ esa beeŋ tiŋ n bunyaŋ agbir nɛ a du fanɛ anabi ere kashaso!

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.