Jɛremaya 10:3 - EBƆRƐ BE KAWƆL

³ Basa ere be kabɔrɛshuŋ maŋ kɔ kechɛto kikɛ n sa bumo. Baa ku kupo to be ndibi nna a shɛl amo ŋ ki agbir.

Jɛremaya 10:3 Iomraidhean Croise

Nshɛ 115:4

Ama shuwa nɛ gbiti nɛ efuli pɔtɛana be basa bre ta n lɔŋɛ bumo be agbirana a shuŋ.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Levitikɔs 18:30

Ade kikɛ be kaman nɛ Enyɛnpe Ebɔrɛ na naŋ kaŋɛ: “Men wora asɔ nɛ n yili n sa menyi ere kasonu nsaa maŋ wora mbushusheŋ nɛ basa nɛ b daa wɔ kasawule na so na wora na. Men sa maŋ kaŋ wora amo nseŋ luri eyurpi to. Ma e la Enyɛnpe, men be Ebɔrɛ na.”

Matiu 6:7

Nɛ menyi alɛ naa kule Ebɔrɛ, men sa maa bela mmalga fuloŋ a deŋi abar so fanɛ kananɛ nnyamase bee wora na. Ŋkpal manɛ so, baa tama fanɛ mmalga damta na so Ebɔrɛ beeŋ nu bumo be kabɔrɛkule.

Ashuŋ Shunso 19:26

Menyi alɛ gba bee wu nseŋ naa nu kusɔ nɛ kanyɛn nɛ baa tre Pɔɔl na wɔtɔ a wora. E wɔtɔ nna a kaŋɛ basa fanɛ agbirana nɛ baa lɔŋɛ na maŋ la ebɔrɛana kikɛ. Mo alɛ tiŋ n shin nɛ basa damta ashi Ɛfeses nfe nɛ Eeshia be kasawule ere so be basa damta shuli fanɛ mbe kamalga na la kashenteŋ nna.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.