Jɛremaya 10:25 - EBƆRƐ BE KAWƆL

²⁵ Shin nɛ fo agbo e laŋɛ efuliana nɛ b kini kesɔ fo fanɛ bumo be Ebɔrɛ a maa shuŋ fo na. Ŋkpal manɛ so, b mɔ fo basa m mur cheche n shin nɛ anyi be efuli bure a dese fuloŋ.

Jɛremaya 10:25 Iomraidhean Croise

Job be kawɔl 18:21

Kelamba nɛ k jo basa lubi nɛ bumo be nnaŋ to ebi nɛ b maŋ nyi Ebɔrɛ nna na.”

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Nshɛ 147:20

E maŋ wora le n sa efuli pɔtɛ kama so be basa; b maŋ nyi mbe mbraana gba. Men baa kpaŋ Enyɛnpe Ebɔrɛ na!

Nshɛ 27:2

Basa lubi baa fin ma nɛ b mɔ, ŋko nɛ bedoŋ bee kɔ ma gba, baaŋ fiti n tɔr.

Nshɛ 69:24

Shin nɛ b pin fo ka nya agbo ga, nseŋ shin nɛ fo agbo e ba bumo so.

Aizaaya 43:22

Ade be kaman, nɛ Enyɛnpe Ebɔrɛ na naŋ kaŋɛ le: “Ama ma asheŋ gba menyi, Israɛl be basa, nna nɛ menyi maŋ naa shuŋ ma.

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Jɛremaya 11:1

Nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be efuli so nɛ Jerusalɛm be kade to be basa le: “Ma, Enyɛnpe Ebɔrɛ na bee kpele menyi kusoe nna fanɛ meeŋ shoduu esa kama nɛ e kini kebɛ kɔnɔkoŋwule be ŋkre nɛ ma nɛ Israɛl be basa wora na so. Men shin nɛ menyi be lakal e baa wɔ kusɔ nɛ ŋkre na bee kaŋɛ so.

Jɛremaya 30:16

Ama naniere bedoŋ kama nɛ baa sha kemur menyi na beeŋ mur, nɛ b pɛ men doŋana kikɛ ŋ ki anya n yɔ efuli pɔtɛ so. Bekama nɛ baa kɔrfɛ menyi na beeŋ nya kekɔrfɛ, nɛ b fuu bekama nɛ baa fuu menyi be asɔ na be asɔ.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Ashuŋ Shunso 17:23

Ŋkpal manɛ so, ŋ ka nite menyi be kade ere to nseŋ wu asɔ nɛ menyee bunyaŋ, n wu bɔrɛsure ko nɛ b sibɛ kumo so: ‘Ebɔrɛ nɛ b maŋ nyi peya.’ Kusɔ nɛ menyee bunyaŋ nsaa maa nyi na be asheŋ nɛ m baa kaŋɛ menyi naniere na.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”