Jɛremaya 10:24 - EBƆRƐ BE KAWƆL

²⁴ Ŋini fo basa akpa, Enyɛnpe Ebɔrɛ, ama sa maŋ kaŋ nyaŋ anyi ga ŋko ŋ gberge anyi kusoe kanya agbo so; nɛ mannɛ aloŋ anyeeŋ wu.

Jɛremaya 10:24 Iomraidhean Croise

Job be kawɔl 6:18

Eyawujipo nɛ baa dii enyɔma baaŋ ta tama n bɛ mbombi ere so, a fin nchu nɛ b nuu baa foe nna n ya wu n tɔr keshishɛrsawule so m mur.

Nshɛ 38:1

Enyɛnpe Ebɔrɛ, sa maŋ nya agbo n fiɛ ma so, ŋko ŋ gberge ma kusoe.

Nshɛ 6:1

Enyɛnpe Ebɔrɛ, sa maŋ nya agbo ŋ kaŋɛ fanɛ n wora n jija, nseŋ gberge ma kusoe agbo so.

Nshɛ 6:2

Wu ma kuwɔr nseŋ sa ma eleŋ; ŋkpal manɛ so, ma eyur kikɛ chɛl ma nna

Aizaaya 28:28

Mo alɛ maa beri ayu na nna hale nɛ a nia n luri eshishɛr to ŋko nɛ a bɛa to ŋ ki nyifu. E bee beri amo nna a lara bibi na ashi amimi na to.

Aizaaya 40:23

Ebɔrɛ e naa bar bumo nɛ baa ji kuwura kenyɛnso kaseto, nsaa shin nɛ baa ki basa fuloŋ ashi durnya to na.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.