Jɛremaya 10:22 - EBƆRƐ BE KAWƆL

²² Men nu nfe! Baru ko bee ba! Kebagato gboŋ ko wɔ efuli ko nɛ k wɔ kelargato be esoso be kaba so a ba. Efuli na be benapo beeŋ shin nɛ Juda be efuli so be ndegboŋ e ki keshishɛrsawule nɛ ejiŋkaamu e baa wɔ kumo so.”

Jɛremaya 10:22 Iomraidhean Croise

Aizaaya 34:13

Ewi nɛ egɔnnyaŋɛ e naaŋ kɔr bumo be ewurkpaana nɛ nde nɛ b pɔr egbal ŋ kulti amo na kikɛ to. Saŋɛ na so ejiŋkaamu nɛ egbuŋgbula be yiri yiri beeŋ ba kaa wɔ amo to.

Jɛremaya 1:14

Ndoŋ nna nɛ Enyɛnpe Ebɔrɛ na kaŋɛ ma le: “K maaŋ chɛr nɛ kemur gboŋgboŋi e shi kelargato be esoso be kaba so m ba bekama nɛ b wɔ kasawule so.

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 4:15

Mbɔ shi Dan be kadegboŋ to nɛ Efrayim be abeesawule nɛ e wɔ kelargato be esoso be kaba so a ber baru lubi be kebomboŋ a ba.

Jɛremaya 4:6

B ŋini ekpa nɛ k bee yɔ Jerusalɛm be kadegboŋ na to a yɔ! Men shile m mɔlga menyi be amu nsaa maŋ wora epel! Ŋkpal manɛ so, Enyɛnpe Ebɔrɛ na beeŋ shin nɛ kemur cheche gboŋgboŋi e shi kelargato be esoso m ba.

Jɛremaya 49:33

Hazɔɔ beeŋ ki keshishɛrsawule mbaanaayɔ nɛ ejiŋkaamu e baa wɔ kumo so. Esa kikɛ maaŋ naŋ chena kumo so kikɛ. Ma, Enyɛnpe Ebɔrɛ e kaŋɛ na.”

Jɛremaya 5:15

Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 6:22

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Men keni benapo ko bee shi kufɔ kufɔ ashi kelargato be esoso be efuli lempo ko so m bela ase a ba nɛ b ba kɔ kena.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Ezikɛl 12:19

Kaŋɛ Israɛl be basa na fanɛ kusɔ nɛ Enyɛnpetale Ebɔrɛ na bee kaŋɛ a sa Jerusalɛm to be basa nɛ b kra wɔ Israɛl be efuli so na e la fanɛ, baaŋ baa ji bumo be ajibi nɛ kafɔŋ nna nsaa nuu bumo nchu malɛ kufuso, ŋkpal manɛ so, bumo be efuli na nɛ kumo so be asɔ kikɛ beeŋ mur n dese fuloŋ ŋkpal bumo be amu kpakpaso nɛ asheŋ lubi so.

Malakai 1:3

nsaa maa sha Isɔɔ nɛ mbe kaman to ebi malɛ be asheŋ nseŋ mur bumo be abee so be efuli na nɛ k ki ejiŋkaamu pe.”