Jɛremaya 10:19 - EBƆRƐ BE KAWƆL

¹⁹ Ndoŋ nna nɛ basa na kaŋɛ le: “Kumo ere anyeeŋ wu asheŋ pasaa! Anyi be awurfoŋ maaŋ loge kikɛ. An daa fɛ fanɛ anyeeŋ tiŋ n ji ebesa nɛ awurfoŋ na be kanyiti nna.

Jɛremaya 10:19 Iomraidhean Croise

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Nshɛ 77:10

Ade be kaman nɛ n fɛ le: “Enyɛnpetale Ebɔrɛ, kusɔ nɛ k baa tɔrɔ ma ga e la fo ka maŋ naa ta fo eleŋgboŋ na a chɛ anyi to na.

Aizaaya 8:17

Enyɛnpe Ebɔrɛ na ta mbe kumu nna ŋ ŋana mbe basa so, ama amo nɛ amo kikɛ ma ere kraŋ yirda mo nseŋ ta ma tama n wɔtɔ mo to nna.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 3:48

Mee shu anishichubi damta nna, ŋkpal ma basa ka mur so.

Maika 7:9

N wora alubi n da Enyɛnpe Ebɔrɛ na so, amoso meeŋ wora kanyiti n ji mbe agbo be tɔrɔ n ya fo saŋɛ nɛ e beeŋ ba kɔ n sa ma. M baa nyi geeŋ fanɛ e beeŋ naŋ shin nɛ asheŋ a nyalɛ nɛ e juŋkpar ma m ba kefulto to.