Jɛremaya 10:18 - EBƆRƐ BE KAWƆL

¹⁸ Enyɛnpe Ebɔrɛ na bee sha kelara menyi kasawule ere so nna na. E beeŋ shin nɛ men doŋana e ta kenishi m pere menyi nseŋ tintiŋ menyi n lar men be kasawule so. Enyɛnpe Ebɔrɛ e kaŋɛ na.”

Jɛremaya 10:18 Iomraidhean Croise

Aizaaya 22:17

Feeŋ tiŋ a la esagboŋ a kɔ eleŋ ga, ama Enyɛnpe Ebɔrɛ na beeŋ fuu fo ŋ kpa n lɛ.

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Jɛremaya 22:26

Ma alɛ beeŋ shin nɛ b pɛ fo nɛ fo nio n yɔ efuli pɔtɛ wɔfɔ nɛ b maŋ kurge menyi be ekama ndoŋ so, nɛ menyi benyɔ na kikɛ e ya wu ndoŋ.

Jɛremaya 23:20

Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Ezikɛl 6:10

nɛ b pin fanɛ ma, e la Enyɛnpe Ebɔrɛ na, ma alɛ maa funti jiga nna a kaŋɛ fanɛ meeŋ mur bumo be asɔ.”

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Ditɛronɔmi 28:52

Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.

1 Samuɛl 25:29

Enyɛnpe Ebɔrɛ na beeŋ kuŋ fo ashi bedoŋ kama nɛ baa fin fo nɛ b mɔ na be enɔ to. E beeŋ kuŋ fo fanɛ kananɛ esa bee kuŋ mbe kpanjawu na. Ama fo doŋana na bre Ebɔrɛ beeŋ kpa bumo n ya lɛ fanɛ kananɛ baa ta ajembu a wɔtɔ ketababu to a kpa a lɛ na.