Jɛremaya 10:17 - EBƆRƐ BE KAWƆL

¹⁷ Ade kikɛ be kaman nɛ ŋ kaŋɛ Juda be basa na le: “Men doŋana e kulti menyi n wɔtɔ na. Amoso men koli menyi be asɔ abar so nseŋ wora shiriya n lar kasawule na so.

Jɛremaya 10:17 Iomraidhean Croise

Jɛremaya 21:13

Menyi Jerusalɛm be basa ka chena kebee so nsaa keni ataŋɛ to so, menyee fɛ fanɛ shɛŋ maaŋ tiŋ n wora menyi nna. Ama ma, Enyɛnpe Ebɔrɛ na nya agbo n wora menyi nna na.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Maika 2:10

Men koso a yɔ! Nfe maŋ la kakpa nɛ menyeeŋ chena n wushi. Ŋkpal manɛ so, menyi be alubi shin nɛ k wora eyurpi nseŋ ki kakpa nɛ k beeŋ mur.

Matiu 24:15

Amoso, men baŋ ya wu edɔsopogboŋ nɛ e bee shin nɛ kemur bee ba na ka yil kakpa cheembi na, mbe asheŋ nɛ anebi Danɛl daŋ malga na, fo nɛ fee kraŋ, fo pin kesheŋ ere be kifito.

Ditɛronɔmi 28:52

Bumo alɛ beeŋ kre kena m ba kulti kade kama nɛ k wɔ kasawule nɛ Enyɛnpe, menyi be Ebɔrɛ na ta a sa menyi ere n wɔtɔ. Baaŋ bure egbal lempo jeŋgreŋana nɛ menyeeŋ pɔr ŋ kulti men be ndeana n ta men be yirda n deŋi amo so na.