Jɛremaya 10:14 - EBƆRƐ BE KAWƆL

¹⁴ Basa nɛ baa lɔŋɛ agbir maŋ kɔ nfɛra kikɛ! Ebɔyɛpo nɛ baa ta shuwa ŋko gbiti a wurge agbirana so na bee ji anishinyɔr nna ŋkpal bumo be agbirana nɛ e maŋ kɔ kashenteŋ nɛ ŋkpa so.

Jɛremaya 10:14 Iomraidhean Croise

Nshɛ 14:2

Enyɛnpe Ebɔrɛ wɔ ebɔrɛso a keni a fin fanɛ basa ko wɔtɔ a nyi asheŋ nsaa fin mo a?

Nshɛ 92:6

Esa nɛ e maŋ nyi asheŋ maa pin fo asheŋ to; ewulpo malɛ maaŋ tiŋ m pin amo to fanɛ,

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Aŋasa 30:2

N duli kusɔbɔya a chɔ dimɛdi; M maŋ naa kɔ dimɛdi be nfɛra

Aizaaya 42:17

Bekama nɛ b yirda agbirana, nɛ bumo nɛ baa ta apɔrso fanɛ bumo be ebɔrɛana na, beeŋ ji anishinyɔr nseŋ ŋaba.”

Aizaaya 44:11

Esa kama nɛ e bee shuŋ kegbir nɛ basa nɛ baa lɔŋɛ agbirana na kikɛ la edimɛdi nna. Bumo alɛ kikɛ be lalaloge la ŋaba nna. Shin nɛ b ba yili ma anishi to nɛ n ji bumo demu nɛ fo keni. Baaŋ baa chicha nseŋ ji anishinyɔr.

Aizaaya 45:16

Bekama nɛ baa lɔŋɛ agbirana beeŋ ji anishinyɔr nseŋ ŋaba.

Aizaaya 57:12

Menyee fɛ fanɛ kusɔ nɛ menyee wora na daga nna, ama meeŋ shin nɛ menyi be asheŋ woraso e lar efuli nɛ menyi be agbirana e chɛ menyi to ŋ gben.

Jɛremaya 10:5

Le be agbirana ere du fanɛ asɔ nɛ b ta n yili ndɔ to a ju mbuibi nna. E kɔ nnɔ, amo alɛ maa malga; e kɔ aya amo alɛ maa nite! Amoso baa sulɔ amo nna a nite. Men sa maa ŋana amo; ŋkpal manɛ so, e maaŋ tiŋ n wora menyi shɛŋ. Amo alɛ maaŋ tiŋ n wora kesheŋ lela kikɛ n sa menyi.”

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Romebi 1:25

Kashenteŋ be mmalga nɛ a bee kute Ebɔrɛ be asheŋ na nɛ b kɔ a chɛr efɛ be mmalga a wɔtɔ a bunyaŋ nsaa shuŋ Ebɔrɛ be asɔtoso nsaa yige amo be Etopo na bre, emo nɛ e daga epaŋ be kedi hale mbaanaayɔ na. Amɛn.

1 Samuɛl 5:4

Kare ka naŋ chɛ kachipurdidi, nɛ b naŋ wu kegbir na be kapɔrduli na ka naŋ tɔr kasawule ŋkre be deka na be anishito m buu epun so. Kumo be kumu nɛ mbre kikɛ daŋ chuge nna n ya tɔr kabuna to. Kumo be eyur nawule e daa maŋ chuge to.