Jɛremaya 10:10 - EBƆRƐ BE KAWƆL

¹⁰ Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 10:10 Iomraidhean Croise

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

1 Bewura 18:39

Basa na kikɛ ka wu loŋ, nɛ b jɔŋɛ kasawule nseŋ boŋto ŋ kaŋɛ le: “Enyɛnpe na nawule e la Ebɔrɛ! Enyɛnpe nawule e la Ebɔrɛ!”

1 Bewura 8:60

Saŋɛ na so durnya kikɛ beeŋ pin fanɛ fo Enyɛnpe na nawule e la Ebɔrɛ. Ebɔrɛ kikɛ maŋ naa wɔtɔ.

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

2 Kronikɛls 15:3

Israɛlebi na daŋ yige keshuŋ kashenteŋ be Ebɔrɛ na n chɛr ga. B daa maŋ naa kɔ bɔrɛmatapoana nɛ baa ŋini bumo Ebɔrɛ be akpa. Amoso b daa maŋ naa bɛ Ebɔrɛ be mbra so.

Job be kawɔl 9:6

Ebɔrɛ beeŋ tiŋ n shin nɛ kasawule nɛ kumo be gbaltɔlase kikɛ a gbuŋgbuŋ to.

Nshɛ 10:16

Enyɛnpe Ebɔrɛ na e naa ji kuwura kusɔ kama so mbaanaayɔ. Efuli pɔtɛana na beeŋ mur ashi mbe kasawule so.

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 100:5

Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.

Nshɛ 104:32

Fo baŋ to kenishi ŋ keni kasawule, k bee gbuŋgbuŋ nna. Fo alɛ baŋ beta abee, e bee kaa edishi nna.

Nshɛ 114:7

Enyɛnpe Ebɔrɛ nɛ men nananyɛn Jeekɔb shuŋ dra na baŋ firgi n taga to, kasawule bee gbuŋgbuŋ nna;

Nshɛ 145:13

Fo kuwurji wɔtɔ nna mbaanaayɔ; k maŋ kɔ ekar, fo alɛ bee ji kuwura nna, yili kenana ko n ya fo kenana ko to ebi so nna. An Nyɛnpe Ebɔrɛ, fo e naa wora a bɔlɔ fo nnɔ naseso so nsaa wora kusɔ kama nɛ fo kaŋɛ feeŋ wora.

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 18:7

Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.

Nshɛ 29:10

Enyɛnpe Ebɔrɛ na e naa ji kuwura nchuaana nɛ a wɔ nchiŋ gba so. E bee ji kuwura nna mbaanaayɔ.

Nshɛ 31:5

Enyɛnpe Ebɔrɛ, fo e naa keni ma so. Jande mɔlga ma ŋkpal fo ka la eshenteŋjipo so.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Nshɛ 68:11

Fo e sa mbra na, nɛ beche damta cha awɔr, ŋ kaŋɛ kusɔ nɛ k wora.

Nshɛ 68:8

nɛ kasawule gbuŋgbuŋ nɛ bɔrɛ chulgi. Fo nawule e la Ebɔrɛ, nsaa tase kebee nɛ baa tre Sainai na so a ji kuwura.

Nshɛ 74:12

O Ebɔrɛ, sososo na kikɛ, fo e la anyi be ewura; fo alɛ e bar kumɔlga durnya kikɛ be basa to.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Nshɛ 76:8

Ebɔrɛso nɛ fo wɔ nseŋ bɔ fo demuji be kubɔya; nɛ kufu tɔr durnya so, nɛ kakpa kikɛ wora shruum.

Nshɛ 77:18

Bɔrɛ na ka nyɛkpɛ m ponte to nɛ kusɔ kikɛ nu kumo. K ka nyɛkpɛ na nɛ durnya kikɛ fulto. K ka ponte to na nɛ kasawule gbuŋgbuŋ to fanɛ k kaa bee chicha na.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Nshɛ 9:8

Feeŋ ji durnya ebi demu nɛ kumo be ekpa so, nseŋ ji basa so kuwura ekpa niŋiso so.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Nshɛ 93:2

Dra na kikɛ nɛ fee ji kuwura, fo alɛ wɔtɔ nna mbaanaayɔ.

Nshɛ 97:4

Mo e naa shin nɛ bɔrɛ bee nyɛkpɛ nɛ durnya bee fulto, nɛ kasawule so ebi bee wu kumo a chicha.

Aizaaya 37:17

Keni kananɛ Asiriya be ewura, Sennakerɛb bee tege fo Ebɔrɛ nɛ fee sa ŋkpa na loŋ.

Aizaaya 37:4

Asiriya be ewurgboŋ shuŋi mbe benapo be ejuŋkparpo nna nɛ e ba tege Ebɔrɛ nɛ e bee sa ŋkpa na. Enyɛnpe fo Ebɔrɛ na e naaŋ nu katege ere kikɛ nseŋ gberge basa nɛ baa tege mo na kusoe. Amoso kule Ebɔrɛ n sa anyi be basa nɛ b kraa wɔ ŋkpa to na.”

Aizaaya 40:15

Efuliana na maŋ la shɛŋ Enyɛnpe Ebɔrɛ bre kutɔ, a du fanɛ nchu ka do bokiti nɛ nchu to nna; ŋko kalabɛr nɛ a deŋ kusɔ nɛ b kɔ a karga asɔ be egbɛ so nna. Aplasawule nɛ e wɔ kufɔ kufɔ na kikɛ du fanɛ enɔ be bɔlɔ be eshishɛr nna.

Aizaaya 40:28

Menyi maŋ nyi a? Menyi alɛ maŋ naŋ nu a? Fanɛ Enyɛnpe na e la Ebɔrɛ nɛ e wɔtɔ mbaanaayɔ; mo e to durnya kikɛ. E maa shuŋ a gben ŋko a gben a chul to kikɛ. Esa kikɛ malɛ maaŋ tiŋ m pin mbe nfɛra to.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 23:36

Amoso b sa maŋ naa malga a kaŋɛ le: ‘Baru nɛ k shi Enyɛnpe Ebɔrɛ na kutɔ nde.’ Ŋkpal manɛ so, nɛ bumo to be ekama kaŋ kaŋɛ loŋ, meeŋ shin nɛ ma kubɔya e baa la awurfoŋ kashenteŋto n sa bumo. Basa na chɛrga bumo be Ebɔrɛ nɛ e bee sa ŋkpa nsaa la Enyɛnpetale na be mmalga nna kashenteŋto.”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 4:24

Kumo be kaman nɛ ŋ keni n wu abeegboŋ ka bee gbuŋgbuŋ to, nɛ abeebi malɛ bee laŋte a yɔ a ba.

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Jɛremaya 51:29

Durnya bee kii to nsaa gbuŋgbuŋ to nna ŋkpal Enyɛnpe Ebɔrɛ na ka kre keshin nɛ Babilɔn be efuli na e ki keshishɛrsawule a dese fuloŋ nɛ esa maaŋ naa wɔ kumo so so.

Danɛl 4:3

Ebɔrɛ be etumasesheŋ shibi ga nɛ mbe emamachisheŋ bee mɔ kɔnɔ. Mbe kuwurji wɔtɔ nna hale mbaanaayɔ.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Danɛl 6:27

Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Habakuk 3:6

Fo baŋ shir n yili, kasawule bee gbuŋgbuŋ nna, fo alɛ baŋ gbɛ ŋ keni malɛ efuliana na bee chicha nna. Dradra be abeegboŋ nɛ abeebi kikɛ bure to n tɔr. Ama fo ere wɔtɔ nna mbaanaayɔ!

Malakai 3:2

Kachɛ nɛ e beeŋ ba na wanɛ e naŋ tiŋ m ba mbe anishito? E kaŋ lar a ba, wanɛ bre e naŋ pete? E beeŋ baa du fanɛ kɔya nɛ b kɔ a fɔr asɔ nna ŋko edɛ nɛ baa ta a ŋalga abɛlso a lara eyurpi nna.

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Kelaraŋŋini 20:11

Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.

Demujipoana 5:4

Enyɛnpe Ebɔrɛ, jemanɛ nɛ fo lar kebee nɛ baa tre Seyi ase na, ndoŋ nɛ Edɔm be basa tase na, kasawule daŋ gbuŋgbuŋ nna, nɛ bɔrɛchu shi awɔlpa to ŋ wurge to. Kashenteŋ, nchu shi awɔlpa to nna ŋ wurge to.

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.