Jɛremaya 1:9 - EBƆRƐ BE KAWƆL

⁹ Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Jɛremaya 1:9 Iomraidhean Croise

Aizaaya 49:2

Mo e shin nɛ ma mmalga du fanɛ tokobi jiso ŋko ketanyembi pɛlpɛlbi. Mo e ta ma ŋ ŋana mo gbagba be enɔ be epun to.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Aizaaya 59:21

Ma alɛ bee nase kɔnɔ nna fanɛ meeŋ sa menyi ma Kiyoyu nɛ keŋini nɛ a baa wɔ menyi to mbaanaayɔ. Yili kabre a yɔ, menyeeŋ baa wora ma kasonu nsaa ŋini menyi be mbia nɛ kaman to ebi nɛ bumo alɛ gba e baa wora ma kasonu mbaanaayɔ.”

Jɛremaya 15:19

Ndoŋ nna nɛ Enyɛnpe Ebɔrɛ na kaŋɛ ma le: “Sa maa malga fanɛ ewulpo! Nɛ feeŋ chɛrga fo nfɛra a laŋɛ ma kaplɛa so nseŋ lar n ya kaa bɔ ma kubɔya, feeŋ baa kraa la ma anebi. Kumo be kaman nɛ basa na e baa ba fo kutɔ nɛ fo ere maaŋ naa yɔ bumo kutɔ n ya kaa malga.

Jɛremaya 34:6

Ndoŋ nna nɛ n ta kubɔya na n ya sa ewura Zɛdikaya ashi Jerusalɛm to.

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Ezikɛl 3:10

Kede be kaman nɛ Enyɛnpe Ebɔrɛ na naŋ kaŋɛ: “Dimɛdi pibi, kaŋ kusoe n nu kusɔ nɛ mee kaŋɛ fo ere nɛnɛ nseŋ fɛ kumo be nfɛra.

Danɛl 10:10

Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.

Danɛl 10:16

Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Nɔmbɛs 23:5

Nɛ Enyɛnpe Ebɔrɛ na ta kubɔya n sa Balaam fanɛ e ya sa Ewura Balak.

Matiu 10:19

Nɛ b baa yɛr menyi demujikpa, men sa maa fɔŋ kananɛ menyeeŋ ya malga so ŋko kusɔ nɛ menyeeŋ ya kaŋɛ so, ŋkpal manɛ so, kumo be jemanɛ ya fo, menyeeŋ nya kusɔ nɛ k daga fanɛ men kaŋɛ.

Maak 7:33

Ndoŋ nna nɛ Yesu ta mo n lar jimaŋ na to n yɔ ekarso n ya ta mbe ashilbi n wɔtɔ kanyɛn na be asoe to nseŋ tuu echɔl n wɔtɔ enɔ to nseŋ beta kanyɛn na be kudonduloŋ.

Luuk 12:12

Ŋkpal manɛ so, Kiyoyu Cheeŋ na beeŋ ŋini menyi kusɔ nɛ menyeeŋ kaŋɛ kumo be jemanɛ na gbagba to.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Ditɛronɔmi 18:16

Kachɛ nɛ men daŋ shɛr ashi kebeegboŋ nɛ baa tre Sainai na ase na, men daŋ kule ma nna fanɛ menyi maŋ naa sha kenu Enyɛnpe Ebɔrɛ na be ebɔl ŋko n wu mbe edɛ gboŋ na kikɛ, ŋkpal manɛ so, menyi daa lɔ kufu nna fanɛ menyeeŋ wu.”

Ditɛronɔmi 18:17

Ndoŋ nna nɛ Enyɛnpe Ebɔrɛ na kaŋɛ ma le: “Kashenteŋ nɛ b ji na.

Ditɛronɔmi 18:18

Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.