Jɛremaya 1:7 - EBƆRƐ BE KAWƆL

⁷ Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 1:7 Iomraidhean Croise

1 Bewura 22:14

Ama le nɛ anebi Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

1 Bewura 3:7

O Enyɛnpe Ebɔrɛ, fo shin nɛ n sɔ n tuto so n ji kuwura. Ama n du fanɛ kebibi nna nsaa maŋ nyi kananɛ kejuŋkpar basa be asheŋ du.

2 Kronikɛls 18:13

Ama le nɛ Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

Ɛksodɔs 6:29

le nɛ e kaŋɛ: “Ma e la Enyɛnpe Ebɔrɛ na. Amoso, kaŋɛ Ijipt be ewura Fɛɛro asheŋ nɛ ŋ kaŋɛ fo ere kikɛ.”

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 43:1

Ŋ ka kaŋɛ basa na kusɔ kama nɛ Enyɛnpe, bumo be Ebɔrɛ na kaŋɛ na n loge,

Jɛremaya 7:27

Ŋkpal loŋ so, Jɛremaya, fo kaŋɛ ma basa mmalga ere kikɛ gba, b maaŋ nu n sa fo. Fo tre bumo gba, b maaŋ shuli so.

Ezikɛl 2:7

Ma mmalga a daga fanɛ fo malga n sa bumo. Baaŋ nu ŋko b maaŋ nu, fo ere e malga n sa bumo. Baa nyiŋi fanɛ b la basa nɛ b kini ma nseŋ pal kaman n sa ma nna.

Ezikɛl 3:27

Ama kachɛ nɛ meeŋ malga fo kutɔ na kaŋ fo, meeŋ bugi fo kɔnɔ nɛ fo malga bumo kutɔ saŋɛ na so feeŋ kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Beko beeŋ nu nɛ beko malɛ e kini kenu, ŋkpal manɛ so, b la basa nɛ b kini ma nseŋ pal kaman n sa ma nna.”

Eemɔs 7:15

Ama Enyɛnpe Ebɔrɛ na e lara ma ashi mbolpɔ be kebaa kpa be kushuŋ to ŋ kaŋɛ fanɛ m baa malga mbe asheŋ a sa mbe basa Israɛlebi.

Jona 3:2

“Yɔ kadegboŋ nɛ baa tre Ninɛve na to n ya bɔ kubɔya nɛ n sa fo na n sa ndoŋebi.”

Nɔmbɛs 22:20

Kumo be kanyɛso nɛ Ebɔrɛ kaŋɛ Balaam le: “Meeŋ shin nɛ fo tu Ewura Balak be mbɔ na n yɔ Mowab, ama ya wora kusɔ kama nɛ meeŋ kaŋɛ fo.”

Nɔmbɛs 22:38

Nɛ Balaam kaŋɛ le: “To m ba nna na! Ama maŋ kɔ eleŋ nɛ ŋ kaŋɛ kusɔ nɛ mee sha. Kusɔ nɛ Ebɔrɛ baŋ kaŋɛ nɛ mee malga.”

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.