Jɛremaya 1:17 - EBƆRƐ BE KAWƆL

¹⁷ Jɛremaya, wora shiriya n ya kaŋɛ basa na kusɔ kama nɛ ŋ kaŋɛ fo kenishipereso na. Sa maa ŋana bumo, nɛ mannɛ aloŋ meeŋ shin nɛ kufu nɛ k chɔ loŋ a pɛ fo jemanɛ nɛ feeŋ baa wɔ bumo to na.

Jɛremaya 1:17 Iomraidhean Croise

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

2 Bewura 1:15

Ndoŋ nna nɛ Enyɛnpe Ebɔrɛ be malaika ba kaŋɛ Elaija le: “Sa maa lɔ kufu, tu mo a yɔ.” Nɛ Elaija koso ŋ gbelge n tu benapo be enimu na n yɔ ewura na kutɔ

2 Bewura 4:29

Nɛ Elaisha kaŋɛ Gehazi le: “Wora shiriya n ta ma kekpabi n yɔ kache ere be laŋ to n ya deŋi kebia na be anishi so. Fo kaŋ ya tu esa kama ekpa to, fo sa maŋ malga mo kutɔ, hale esa na malga fo kutɔ gba, fo sa maŋ tuge mo.”

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

Job be kawɔl 38:3

To, naniere wora shiriya nɛ ma nɛ fo e ji asheŋ! Meeŋ bishi fo asheŋ, nɛ fo sa ma amo be atuwebi.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 7:2

Fo e naaŋ baa malga asheŋ nɛ ŋ kaŋɛ fo na kikɛ a sa Ɛɛrɔn nɛ mo alɛ e kaŋɛ Fɛɛro fanɛ e shin nɛ Israɛl be basa na e lar mbe kasawule so.

Jɛremaya 1:18

Jɛremaya, nu nfe! Juda be bewura nɛ benimuana nɛ bɔrɛmatapoana nɛ basa na kikɛ beeŋ nya agbo a kɔ fo. Ama meeŋ wora fo eleŋ to kabre, nɛ fo tiŋ n yili to n tu bumo ŋ kɔ. Feeŋ baa du fanɛ kadegboŋ nɛ b pɔr egbal lempo ŋ kulti kumo ŋko kebɛlso tenteŋ ŋko danyaŋ peper be egbal nɛ b maaŋ tiŋ ŋ kɔ m pɔɔ fo so kikɛ. Ŋkpal manɛ so, meeŋ baa wɔ fo kutɔ a kuŋ fo. Ma, Enyɛnpe Ebɔrɛ e kaŋɛ na.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jɛremaya 23:28

Anebi kama nɛ e ku edare, e kaŋɛ fanɛ edare nɛ e ku. Anebi kama malɛ nɛ e nu ma kubɔya, e bɔ kubɔya na kashenteŋ be ekpa so. Ŋkpal manɛ so, kananɛ amimi kɔr ayu to na aloŋ nɛ edimɛdi be edare kɔr Ebɔrɛ be kubɔya to.

Jɛremaya 26:12

Ndoŋ nna nɛ ŋ kaŋɛ le: “Enyɛnpe Ebɔrɛ na e shuŋi ma fanɛ m ba bɔ kubɔya nɛ men nu a laŋɛ bɔrɛlambu ere nɛ kadegboŋ ere be kaplɛa so n sa menyi.

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 36:8

Jehowakim ka ji Juda be efuli so be kuwura be kafɛ nusopo to be kufɔl kpanusopo to nɛ basa na kishi a kule Enyɛnpe Ebɔrɛ fanɛ e wu bumo kuwɔr. Basa nɛ b wɔ Jerusalɛm to nɛ bumo nɛ b shi Juda be ndeana to m ba na kikɛ e daa wɔ ekishi na to. Jemanɛ nɛ basa na daŋ kaŋ asoe a nu na nɛ Baruk kraŋ kusɔ kama nɛ n daŋ kaŋɛ na n sa bumo. E daŋ yili bɔrɛlambu na be awɔlto be kelɔnɛ, a laŋɛ Shafan nɛ e daa la esibɛpo na pibinyɛn, Gɛmariya be ebu be kaba so nna ŋ kraŋ kumo. Gɛmariya be ebu na daa wɔ bɔrɛlambu na be kelɔnɛ nɛ k mata Kabunagboŋ Popɔr na ase nna.

Nfabel 3:57

Nseŋ kaŋɛ ma fanɛ n sa maa lɔ kufu.

Jona 3:2

“Yɔ kadegboŋ nɛ baa tre Ninɛve na to n ya bɔ kubɔya nɛ n sa fo na n sa ndoŋebi.”

Luuk 12:35

“Men bela ase ŋ kre so nɛnɛ nseŋ chɔɔ efitila so n yili

Ashuŋ Shunso 20:20

Men nyi fanɛ saŋɛ nɛ n daŋ bɔ kubɔya na n sa menyi nseŋ ŋini menyi asheŋ basa to nɛ menyi peana na, n daa maŋ ta kusɔ kama nɛ k beeŋ chɛ menyi to ŋ ŋana menyi so kikɛ.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

1 Kɔrintebi 9:16

Ama m maŋ kɔ ekpa bre nɛ ŋ kpal ŋ ka bee bɔ Baru Lela na so m puchi, ŋkpal manɛ so, k la katiŋ nna fanɛ m bɔ Baru Lela na. Nɛ ma alɛ maŋ bɔ Baru Lela na, asheŋ maaŋ nyalɛ n sa ma kikɛ.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.