Jɛremaya 1:11 - EBƆRƐ BE KAWƆL

¹¹ Ade be kaman nɛ Enyɛnpe Ebɔrɛ na shin nɛ ŋ ku bɔrɛdare nɛ e bishi ma le: “Jɛremaya, manɛ nɛ fo wu?” Nɛ ŋ kaŋɛ mo le: “Kedibi nɛ baa tre amɔnd na be kesɔrso nɛ k bee bel a pere manaŋ nɛ n wu.”

Jɛremaya 1:11 Iomraidhean Croise

Jɛnesis 30:37

Kede be kaman nɛ Jeekɔb ku kedibi ko nɛ baa tre pɔpla na nɛ kedibi nɛ baa tre amand na be ayabi nɛ kedibi nɛ baa tre pleen na be ayabi nseŋ marga m marga amo be afɔfɔ na be ako nɛ a fuli n weato.

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Jɛremaya 24:3

Kumo be kaman nɛ Enyɛnpe Ebɔrɛ na bishi ma le: “Jɛremaya, manɛ nɛ fo wu?” Nɛ ŋ kaŋɛ le: “Figidibi be asɔrso. Amo be ako walɛ nɛ ako malɛ maŋ walɛ keji gba.”

Ezikɛl 12:25

Ma, Enyɛnpe Ebɔrɛ na e naŋ malga n sa bumo nɛ kusɔ nɛ meeŋ kaŋɛ na a wora. Menyi basa nɛ men pal kaman n sa ma ere bre be jemanɛ to, meeŋ wora kusɔ kama nɛ ŋ kpele menyi kumo be kusoe fanɛ meeŋ wora na. Ma, Enyɛnpetale Ebɔrɛ e kaŋɛ na.”

Ezikɛl 12:28

Amoso kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Ma mmalga ere be kekama maaŋ chɛr nseŋ wora m bɔlɔ so. Kusɔ kama nɛ ŋ kaŋɛ beeŋ wora m bɔlɔ so. Ma, Enyɛnpetale Ebɔrɛ e kaŋɛ na.”

Ezikɛl 7:10

To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Eemɔs 7:8

Ndoŋ nna nɛ Enyɛnpe Ebɔrɛ bishi ma le: “Eemɔs manɛ nɛ fo wu?” Nɛ ŋ kaŋɛ: “Efɔl nɛ baa ta a karga egbal be keniŋi na.” Nɛ Enyɛnpe Ebɔrɛ kaŋɛ: “N ta kumo nna a karga ma basa Israɛlebi fanɛ kananɛ baa karga egbal be keniŋi na. Ma alɛ maaŋ naaŋ ta m paŋ bumo kikɛ.

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”

Zakareya 4:2

nseŋ bishi ma le: “Manɛ nɛ fo wu?” Nɛ ŋ kaŋɛ: “N wu shuwa be kefitilatɔl nɛ ŋku wɔ kurwa to a bɛ kumo be esoso nɛ efitila ashunu wɔ kumo so. Efitila na be kekama kɔ kumo be kechɛbi be kaboŋ nna.

Zakareya 5:2

Nɛ malaika na bishi ma kusɔ nɛ n wu, nɛ ŋ kaŋɛ mo le: “N wu kawɔl sibɛso ka bee firgi afu to nna. Kumo be nteŋ to sa fanɛ ayadra adesa nɛ kumo be mparto malɛ sa fanɛ ayadra kuduanu nna.”

Nɔmbɛs 17:8

Kumo be ŋklade, Mosis ka yɔ wajɛbu na to, nɛ Ɛɛrɔn be kekpabi nɛ k yili n sa Livai be kanaŋ to ebi na gbu kenishi nseŋ purge n futi n wora atoto n sɔr asɔrso nɛ baa tre amɔnd na.