Jeems 5:3 - EBƆRƐ BE KAWƆL

³ Men be eshuwa nɛ egbiti gba kreŋ so a jija. Amo be kananɛ a du na e naa ŋini fanɛ men maŋ wora n nyalɛ nɛ kumo alɛ naa ji a luri men be eyurana to fanɛ edɛ na. Lalaloge be nchɛ to nɛ an wɔ na, ama men keni kananɛ men bela asɔ damta m miiri so n yili loŋ.

Jeems 5:3 Iomraidhean Croise

Jɛnesis 31:48

Ndoŋ nna nɛ Leeban kaŋɛ: “Ajembu nɛ a deŋ abar so ere e la anyi be kɔnɔ naseso ere be shɛda kabre.” Loŋ so nɛ b daŋ nase ndoŋ Galeed na.

Jɛnesis 31:52

Amoso m maaŋ baŋ amo so m ba tɔrɔ fo. Fo alɛ e sa maŋ baŋ amo so m ba tɔrɔ ma.

Jɛnesis 49:1

Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

Job be kawɔl 16:8

Fo shin nɛ n nyɔr ŋ ki fanɛ awibi nawule, nɛ basa bee wu ma nsaa kaŋɛ fanɛ ma alubi so nɛ ŋ ki loŋ.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Jɛremaya 19:9

Bedoŋ beeŋ ba kulti kadegboŋ na n wɔtɔ a fin kebure egbalana n luri m mɔ kumo to be basa. Ajibi beeŋ loge kadegboŋ na to nɛ basa na e baa mɔ bumo braana nɛ bumo be mbia gba a we ŋkpal akoŋ so.”

Maika 3:3

K du fanɛ menyee luu ma basa be nwɔl nna, nsaa kpele bumo be eblaŋ nɛ awibi to a wɔtɔ mpuliya to a daŋɛ a we.

Maika 4:1

Lalaloge be nchɛ na to kebee nɛ Enyɛnpe Ebɔrɛ be bɔrɛlambu na yil so na e naŋ ba ki abee kikɛ to be kejeŋgreŋ ga. K beeŋ baa du jeŋgreŋ a chɔ abee kikɛ nyam, nɛ efuliana na kikɛ be basa e shile m ba kumo ase

Ashuŋ Shunso 2:17

‘Le nɛ meeŋ wora lalaloge be nchɛ na to: Meeŋ shin nɛ ma Kiyoyu e ba basa kikɛ to. Menyi be mbrantiɛbi beeŋ ku bɔrɛdareana nɛ menyi be benyɛnnimu e ku abɔrɛsheŋ be edareana nɛ menyi be mbinyɛnbi nɛ mbichebi e wu abɔrɛsheŋ ŋ kaŋɛ.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

2 Timoti 2:17

Keŋini nɛ basa wɔtɔ a ŋini na du fanɛ ketamɛ lubi nna a nyɛrga a sɔ esa be eyur kikɛ so. Le be beŋinipoana ere be beko e la Haimɛneeyes nɛ Failites.

Joshuwa 24:27

nseŋ kaŋɛ basa na le: “Le be kejembu ere e naaŋ baa la anyi be shɛda. Kumo alɛ gba nu mmalga nɛ Enyɛnpe Ebɔrɛ malga n sa anyi ere kikɛ. Nɛ men baa maa ji kashenteŋ a sa Ebɔrɛ, k beeŋ ji loŋ be shɛda.”

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.

Kelaraŋŋini 20:15

Esa kama nɛ b daa maŋ sibɛ mbe ketre n wɔtɔ ŋkpa be kawɔl na to, b ta mo nna n lɛ edɛ be kepa na to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”