Jeems 4:2 - EBƆRƐ BE KAWƆL

² Kumo e la fanɛ asɔ ko nɛ menyee kaa kɔ a fin kenishipereso a gben nsaa kpal loŋ so a sha kemɔ men braana. Menyee kaa yɛlga men braana gba be asɔ ŋkaa maa nya nsaa kpal loŋ so a kɔ nlu nɛ ana. Men ka maa kule Ebɔrɛ so e shin nɛ men maŋ kɔ asɔ nɛ menyee sha na.

Jeems 4:2 Iomraidhean Croise

1 Bewura 21:6

Nɛ e yɛ: “Ŋkpal ŋ ka kaŋɛ Nabɔf fanɛ e fa mbe asɔrso be kudɔ n sa ma ŋko e shin nɛ n ta kuko n chɛr mo kumo, nɛ e kaŋɛ ma fanɛ e maaŋ sa ma kumo na so!”

Aŋasa 1:19

Kayu to nɛ beyu bee paŋ bumo be ŋkpa. Loŋ nɛ basa kama nɛ baa nyaŋɛ to a buu basa kikɛ bee loge to.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Aizaaya 7:12

Ndoŋ nna nɛ Ewura Ahaz kaŋɛ: “M maaŋ kule n fin tɔɔnɛ kikɛ. Ŋkpal manɛ so, m maa sha kewora Enyɛnpe Ebɔrɛ na ŋ keni.”

Habakuk 2:5

Kedamaya bre bee fule esa nna. Kejimuniwuraana bee wu bumo be amu nna ga, bumo alɛ maa wushi kikɛ. B du fanɛ luwu nɛ k maa mɔ a moɛ nna. Amoso b baŋ kɔ m pɔɔ efuli ko so n sɔ kumo, b naa yɔ kenyɔsopo so nna.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Jeems 5:6

Men wu basa cheembi kulubi nseŋ mɔ bumo. Bumo alɛ maŋ nya kɔnɔ m bugi.

1 Jɔn 3:15

Esa kama nɛ e kishi mo niopibi la emɔpo nna, menyi alɛ nyi fanɛ emɔpo kikɛ maŋ kɔ ŋkpa nɛ k maŋ kɔ ekar na mo to.