Jeems 4:1 - EBƆRƐ BE KAWƆL

¹ Manɛ e naa bar ana? Manɛ e naa bar nlu nɛ a wɔ menyi to na malɛ? Kusɔ nɛ k bee bar amo nde: Men be nyɛlga lubi e naa kaa kɔ menyi to a leŋ menyi a wɔtɔ nlu na to.

Jeems 4:1 Iomraidhean Croise

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Romebi 7:23

Ama ma alɛ bee wu mbra pɔtɛ ko ka wɔ ma eyur to a shuŋ. Mbra ko nna nɛ k bee kɔ mbra nɛ ma nfɛra bee sha na nsaa ta ma a ki alubi be mbra nɛ k wɔ ma eyur to a shuŋ na be kabutipo.

Romebi 7:5

Ŋkpal manɛ so, saŋɛ nɛ anyi be kebaawɔtɔ dra nɛ k daa wɔ anyi nɛ mbra na daa shin nɛ eyur to be ayɛlgasɔ daa kɔ anyi to a shuŋ na, luwu nɛ an daa kɔ tɔnɔ a sa.

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

2 Timoti 2:23

Baa gelge kawuliso nɛ chilchil be emɔrɔ fuloŋ, ŋkpal manɛ so, fo nyi a ka bee bar nlu.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Taites 3:9

Ama baa gelge kawuliso be emɔrɔ nɛ kekurgeso be mmalga nɛ nlu. Fo alɛ e sa maŋ naŋ kpal mbra na so a wɔ kɔnɔgberge to, ŋkpal manɛ so, amo kikɛ la asheŋ fuloŋ nna a maŋ kɔ tɔnɔ.

Jeems 1:14

Kusɔ nɛ k bee fule esa a wɔtɔ kulubi to e la mo gbagba be kayɛlga lubi. Le be kayɛlga ere baŋ pɔɔ mo so, k bee gberge mo nna a luri kulubi to.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.