Jeems 3:2 - EBƆRƐ BE KAWƆL

² An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

Jeems 3:2 Iomraidhean Croise

1 Bewura 8:46

Ekama bee wora alubi, amoso hale nɛ fo basa wora alubi ŋ gbiti fo nɛ fo nya agbo n wɔtɔ bumo nseŋ ta bumo m bɔɔ bumo doŋana enɔ nɛ b pɛ bumo n yɔ efuli pɔtɛ wɔfɔ so gba,

2 Kronikɛls 6:36

Ekama bee wora alubi, amoso hale nɛ fo basa wora alubi ŋ gbiti fo nɛ fo nya agbo n wɔtɔ bumo nseŋ ta bumo m bɔɔ bumo doŋana enɔ nɛ b pɛ bumo n yɔ efuli pɔtɛ nɛ k wɔ kufɔ so gba,

Job be kawɔl 15:13

Amoso nɛ fo nya agbo n wɔtɔ Ebɔrɛ nsaa malga a gbiti mo na.

Nshɛ 34:13

Kumo ere men sa maa tuge malga lubi, ŋko n shin nɛ men be nnɔ e baa ku efɛ.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 20:9

Wanɛ e naŋ tiŋ m puchi ŋ kaŋɛ fanɛ mbe nfɛra walɛ nɛ e maŋ wora kulubi?

Aŋasa 21:23

Esa kama nɛ e bee tiŋ a keta mbe kɔnɔ nɛ kudonduloŋ, bee mɔlga mbe kumu ashi asheŋ lubi nɛ tɔrɔ to nna.

Kaŋinichiŋgeliŋ 7:20

Esa kama maŋ wɔ durnya ere to nɛ e niŋi n ya loge nsaa maa wora a foe.

Aizaaya 64:6

Anyi kikɛ wora alubi ŋ ku so. Hale anyi be asheŋ lela gba du fanɛ achɛbi krenso ashi fo kutɔ nna. Anyi be alubi so, an du fanɛ afantaŋ wɔlso nɛ afu ber amo n ya lɛ nna.

Levitikɔs 13:39

bɔrɛmatapo na beeŋ mige mo to ŋ keni nɛnɛ. Nɛ afɔr na maŋ fuli to nɛnɛ, kumo ere abibi jiga e lar mbe eyur so na. Esa na walɛ so.

Matiu 12:34

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Matiu 12:37

Ŋkpal manɛ so, esa be mmalga so nɛ baaŋ ba yili n ji amodoŋwura demu. Mmalga na e naaŋ ba shin nɛ fo ji n lar ŋko n tɔr ntaŋ.”

Romebi 3:10

Loŋ malɛ nɛ abɔrɛsibɛ na bee kaŋɛ na fanɛ: “Elelapo kikɛ maŋ wɔtɔ Ebɔrɛ be anishito, hale ekoŋwule gba maŋ wɔtɔ.

Romebi 7:21

Amoso, k du fanɛ le be kebaawɔtɔ e baa wɔtɔ fanɛ nɛ m baa sha kewora kelela nɛ kulubi teŋ ba sɔ kejuŋkpar.

1 Kɔrintebi 9:27

Ama mee kaa kɔrfɛ ma eyur nna a shin nɛ k bee nu a sa ma, nɛ mannɛ aloŋ, meeŋ bɔ kubɔya na n sa basa nɛ ma alɛ gbagba e paŋ kɔŋkɔŋ na be keji.

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Galeeshaebi 5:17

Ŋkpal manɛ so, kapɔr lubi ere be ayɛlgasɔ maa kukwe Kiyoyu na be ayɛlgasɔ nɛ Kiyoyu na malɛ be ayɛlgasɔ maa kukwe kapɔr lubi ere be ayɛlgasɔ. Loŋ be asɔ anyɔ na la bedoŋ nna nɛ kumo alɛ bee ŋini fanɛ men maaŋ tiŋ n wora kusɔ kama nɛ menyee sha.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 1:4

Men baa shin nɛ men be kechɔŋkeni be eleŋ e baa yɔ anishito a wora keshi saŋkama a ti so nɛ men be eda e ba kaa walɛ nɛnɛ a maa paŋ kelela kikɛ.

Jeems 2:10

Nɛ esa kaŋɛ fanɛ e bee bɛ Ebɔrɛ be mbraana na kikɛ so nseŋ wora n da amo to be kukoŋwule gba so, amodoŋwura tɔr Ebɔrɛ be ntaŋana kikɛ.

1 Pita 3:10

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee sha ŋkpa nsaa sha kewu nchɛ lela, kumo ere, amodoŋwura e sa maŋ shin nɛ mbe kɔnɔ e baa malga asheŋ lubi ŋko ku efɛ.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.