Jeems 3:1 - EBƆRƐ BE KAWƆL

¹ Ŋ kurgepoana, men be bedamta e sa maa kɔ a fin fanɛ men ki beŋinipoana, ŋkpal manɛ so, asheŋ nɛ Ebɔrɛ beeŋ yili so n ji anyi beŋinipo demu shi a chɔ basa pɔtɛ peya.

Jeems 3:1 Iomraidhean Croise

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Malakai 2:12

Enyɛnpe Ebɔrɛ na e lara le be basa ere ashi Israɛlebi to, nsaa maŋ shin nɛ b ti bumo so m ba lara sarga nɛ efuli na kikɛ bee lara a sa mo Enyɛnpetale na.

Matiu 10:24

Ekoyapo kikɛ maŋ chɔ mbe eŋinipo, kenya kikɛ malɛ maŋ chɔ mo nyɛnpe.

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Matiu 23:14

[Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee puni bekulpocheana nsaa suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ. Ŋkpal le be asheŋ ere kikɛ so, men be kasogberge beeŋ baa shi ga a chɔ ekama peya.]

Matiu 9:11

Efarisiana na ka wu loŋ nɛ b bishi mbe bebɛsopo na: “Manɛ e ba nɛ men be Eŋinipo nɛ elamposɔpoana nɛ alubiworapoana bee ji?”

Luuk 16:2

Nɛ damawura na tre esibɛpo na ŋ kaŋɛ mo: ‘Manɛ be kushuŋ lubi nɛ fo wɔtɔ a wora ma? Ber amansherbi na nseŋ kaŋɛ ma asɔ nɛ fo ta amo n wora, ŋkpal manɛ so, m maaŋ naŋ shin nɛ fo naŋ shuŋ n sa ma kikɛ.’

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Baru lela nɛ Jɔn kute na 3:10

Nɛ Yesu bishi mo le: “Fo baa la Israɛlebi be eŋinipo ŋkaa maa pin le be asheŋ ere to a?

Ashuŋ Shunso 13:1

Anebiana nɛ beŋinipo ko daa wɔ Antiɔk be asɔriebi na to. Bumo be atreana e daa la Baanabas nɛ Saimɔn, emo nɛ baa tre esa lembir na nɛ Sairini be Lisias nɛ Maneeyen, emo nɛ b daŋ bela mo nɛ Gomena Hɛrɔd na nɛ Sɔɔl.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ɛfesesebi 4:11

Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

1 Timoti 1:7

Baa sha kebaala mbra na be beŋinipo nna, ama b maa pin bumo gbagba be mmalga na nɛ asɔ nɛ b kɔ a malga kenyiso na to.

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

2 Timoti 1:11

Ebɔrɛ lara ma nna fanɛ m baa la baru lela na be emalgapo nɛ eshuŋipo nɛ eŋinipo.

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Jeems 1:16

Ŋ kurgepo shasoana, men sa maŋ fule men be amu.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 3:10

Kɔnɔ koŋwule na to nɛ epaŋ be kedi be mmalga nɛ katege be mmalga kikɛ bee shi. Ŋ kurgepoana, loŋ maŋ daga kikɛ.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.