Jeems 2:1 - EBƆRƐ BE KAWƆL

¹ Ŋ kurgepoana, ŋkpal men ka yirda an Nyɛnpe Yesu Kristo nɛ kemaŋkuragboŋ wɔ mo so na so, men sa maa kɔ ŋkpɛato.

Jeems 2:1 Iomraidhean Croise

2 Kronikɛls 19:7

Men baa bunyaŋ Enyɛnpe Ebɔrɛ na nsaa de so, ŋkpal manɛ so Enyɛnpe nɛ e la anyi be Ebɔrɛ na maa sha kapuni nɛ ŋkpɛato nɛ brɔbu be asheŋ.”

Aŋasa 24:23

Kanyiasheŋ be mmalga ko gba nde: A maŋ daga demujipo ka bee kpɛa to.

Aŋasa 28:21

Ŋkpɛato maŋ walɛ, ama brɔbu fimbi beeŋ tiŋ n shin nɛ basa ko e wora kusɔ nɛ k maŋ daga.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Ashuŋ Shunso 10:34

Nɛ Pita fara mbe kamalga ŋ kaŋɛ: “Naniere nɛ m pin kashenteŋto fanɛ Ebɔrɛ maa kpɛa to.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 24:24

Kachako malɛ nɛ Filiks keta mbe eche Drusila nɛ e daa la Juw na m ba shin nɛ b ya bar Pɔɔl nɛ e ba malga keyirda Yesu Kristo be asheŋ nɛ e nu.

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Romebi 1:11

M baa sha kewu menyi gbrɛ nna n shin nɛ men nya abɔrɛsheŋ be nɛfa nɛ a bee bɔla Ebɔrɛ be Kiyoyu na so a ba anyi so na. Loŋ e naaŋ shin nɛ men nya eleŋ kebɛso na to n ti so.

1 Kɔrintebi 2:8

Basa nɛ b kɔ eleŋ durnya ere to daa maŋ nyi le be kanyiasheŋ ere, ŋkpal manɛ so, nɛ b daa nyi kumo nna, b daa maaŋ gbir an Nyɛnpe mo nɛ e kɔ kemaŋkura na m mata kedibi largato so.

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Kɔlɔsiebi 1:4

ŋkpal manɛ so, an nu kananɛ men kraa yirda Yesu Kristo nɛ kananɛ men kraa sha bumo nɛ b la Ebɔrɛ peya kikɛ

1 Timoti 1:19

Basa ko bre kplaŋ le be akɔsɔ ere so nseŋ foe yirda be ekpa na so cheche.

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Jeems 1:16

Ŋ kurgepo shasoana, men sa maŋ fule men be amu.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 2:3

nɛ men sa damawura na bunyaŋ ga nseŋ kaŋɛ mo le: “Ba chena kabɛ lela ere so nfe,” kumo be kaman nɛ men kilgi ŋ kaŋɛ etirpo na malɛ le: “Choŋ n yili ndoŋ ere,” ŋko “Ya chena ekarso ndoŋ ere.”

Jeems 2:9

Ama nɛ fo kpal kananɛ basa du so a bunyaŋ bumo nsaa fɛl beko, kulubi nɛ fee wora na, Ebɔrɛ malɛ kutɔ fo tɔr ntaŋ.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.