Jeems 1:1 - EBƆRƐ BE KAWƆL

¹ Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

Jeems 1:1 Iomraidhean Croise

1 Bewura 18:31

Kede be kaman nɛ e ta ajembu kuduanyɔ nɛ amo be kekama yili n sa Jeekɔb, nɛ Enyɛnpe Ebɔrɛ na nase ketre Israɛl na, be mbinyɛnsobi kuduanyɔ na be ekama.

Ɛzra 6:17

Kachɛ nɛ b ta bɔrɛlambu na m bɔɔ Ebɔrɛ enɔ na, egbolu kalfa nɛ ekpakpa alfa anyɔ nɛ mbolpɔ alfa ana nɛ b ta n lara sarga n sa Ebɔrɛ. B daŋ mɔ mboe kudu anyɔ nna n lara sarga ŋ kule alubi be ketampaŋ n sa Israɛl be nnaŋ kudu anyɔ na kikɛ.

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Ɛksodɔs 24:4

Ndoŋ nna nɛ Mosis sibɛ Enyɛnpe Ebɔrɛ be mmalga na kikɛ n nase. Kare ka chɛ kachipurdidi nɛ e wule ŋ koso n ya yuu bɔrɛsure ashi kebee na be kaseto nseŋ ta ajembu tenteŋ kuduanyɔ n yuu nɛ a yili n sa Israɛlebi be eyiri kuduanyɔ na.

Ɛksodɔs 28:21

A daga fanɛ b chaŋ n chaŋ Israɛlebi be nnaŋ kuduanyɔ na be ketre kama n deŋi ajembu kuduanyɔ na be kekama so.

Ɛksodɔs 39:14

Ajembu nyɛkpɛso kuduanyɔ so nɛ b chaŋ n chaŋ Israɛlebi be nnaŋ kuduanyɔ na be atre n deŋi so.

Ezikɛl 12:15

Ŋ kaŋ shin nɛ bumo nɛ b ka na pesaŋ to n yɔ efuli pɔtɛ wɔfɔ so na nɛ baaŋ pin fanɛ ma, e la Enyɛnpe Ebɔrɛ na.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Matiu 10:3

nɛ Filip nɛ Baatɔlomiu nɛ Tɔmas nɛ Matiu, lamposɔpo na nɛ Jeems Alfias pibi nɛ Tadias

Matiu 13:55

Mannɛ mo e la kapɛnta na pibi na a? Mannɛ mo nio e la Mɛɛri na a? Kumo be kaman, mannɛ mo sipoana e la Jeems nɛ Josɛf nɛ Saimɔn nɛ Judas na a?

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Maak 3:18

nɛ Andru nɛ Filip nɛ Baatɔlomiu nɛ Matiu nɛ Tɔmas nɛ Jeems, Alfias pibi nɛ Tadias nɛ Saimɔn, emo nɛ b daa tre Zɛlɔt na

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Luuk 6:15

nɛ Saimɔn, emo nɛ b daa tre Zɛlɔt na

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 7:35

Ndoŋ nna nɛ Juwebi be benimuana na fara a bishi abar le: “To, nnɛ nɛ kanyɛn ere bee sha keyɔ nɛ anyi ere maaŋ tiŋ n wu mo ere? Ŋko e bee yɔ an peebi nɛ b wɔ Griikebi to na nna nɛ e ya kaa ŋini bumo abɔrɛsheŋ?

Ashuŋ Shunso 1:13

B ka fo Jerusalɛm nɛ b dii n yɔ esoso be ebu be ebu ko to nɛ b daa sha keji nchɛnnyɔ kumo to na. Bumo e daa la: Pita nɛ Jɔn nɛ Jeems nɛ Andru nɛ Filip nɛ Tɔmas nɛ Baatɔlomiu nɛ Matiu nɛ Jeems, Alfias pibi nɛ Saimɔn Zɛlɔt nɛ Judas, Jeems pibi.

Ashuŋ Shunso 12:17

Nɛ e wora bumo enɔ fanɛ b lo to nseŋ kaŋɛ bumo kananɛ Enyɛnpe lara mo ashi kabuti na to. Kumo be kaman nɛ e kaŋɛ bumo: “Men kaŋɛ Jeems nɛ bekurgepo nɛ b ka na.” E ka kaŋɛ bumo loŋ n loge nɛ e yige bumo nseŋ yɔ kakpa ko.

Ashuŋ Shunso 15:13

B ka malga n loge nɛ Jeems malɛ ta ŋ kaŋɛ: “Bekurgepoana, men nu ma kutɔ nfe.

Ashuŋ Shunso 15:21

Ŋkpal manɛ so, basa ka fara a kraŋ Mosis be mbra na ashi nshɛrbuana to kewushiachɛ kama na nɛ kananɛ b malga amo be asheŋ kade kama to na chɛr ga kabre.”

Ashuŋ Shunso 15:23

Le be kawɔl nɛ b daŋ ta n shuŋi mbɔ na: “Beshuŋipo na nɛ benimuana na bee chɔrɔ menyi nnyamase nɛ men la bekurgepoana a wɔ Antiɔk nɛ Siriya nɛ Silisia to na.

Ashuŋ Shunso 2:5

Saŋɛ na so nɛ Juwebi nɛ b daa bɔla bumo be daŋkare so a bɛ Ebɔrɛ so na be bedamta shi durnya to kikɛ be efuliana so m ba Jerusalɛm be kade na to.

Ashuŋ Shunso 21:18

Kumo be ŋklade nɛ anyi nɛ Pɔɔl yɔ nɛ an ya chɔrɔ Jeems. Saŋɛ na so nɛ asɔriebi be benimuana na kikɛ wɔ ndoŋ.

Ashuŋ Shunso 23:26

“Ma, Klawdias Lisias e naa sibɛ kawɔl ere a sa fo, ebunyampogboŋ Gomena Filiks na. Mee chɔrɔ fo.

Ashuŋ Shunso 26:7

Kɔnɔ naseso koŋwule nɛ anyi be basa be nnaŋ kuduanyɔ ebi na bee bunyaŋ Ebɔrɛ kapa nɛ kanyɛ nsaa tama kenya na gbagba chap na. Yiramu, le be tama ere malɛ so nɛ Juwebi na bee ku asheŋ a deŋi ma na.

Ashuŋ Shunso 8:1

Sɔɔl gba daŋ shuli fanɛ Stiven be luwu na bɔla ekpa. Kumo be kamɔnchɛ na kikɛ nɛ b fara a tɔrɔ Jerusalɛm to ebi be beyirdapoana na ga. Nɛ beyirdapoana na kikɛ pesaŋ to n sɔ Judiya nɛ Samɛria be efuliana na kikɛ so ŋ ka beshuŋipo na.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Galeeshaebi 1:19

ama n daa maŋ wu beshuŋipo na be bekama n naŋ ti so she Enyɛnpe mo sipo Jeems nawule.

Galeeshaebi 2:12

Kananɛ kesheŋ na daŋ ji nde: Mo nɛ nnyamase be bebɛsopo na daa wɔtɔ nna a bɔ enɔ a wɔtɔ kawie koŋwule to a ji. Ama kachako basa ko ka shi Jeems kutɔ m ba nɛ e fara a lar kaman a lara mbe kumu ashi nnyamase na to, ŋkpal manɛ so, e daa ŋana basa nɛ b daa wɔ katutuku be katuŋ to na nna.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Ditɛronɔmi 32:26

Meeŋ mur bumo kikɛ kuraa, nɛ esa maaŋ naŋ nyiŋi bumo gba.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

2 Timoti 4:21

Wora ania m ba pɔɛŋ nɛ kechali e fo. Yubeles nɛ Pudɛns nɛ Laines nɛ Klawdia nɛ bekurgepoana nɛ b ka na kikɛ bee chɔrɔ fo.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

1 Pita 1:1

Kawɔl ere shi ma Pita nɛ n la Yesu Kristo be eshuŋipo na kutɔ nna a yɔ Ebɔrɛ be basa laraso nɛ b pesaŋ to a wɔ durnya ere to fanɛ befɔ a wɔ Pɔntes nɛ Galeesha nɛ Kapadosia nɛ Eeshia nɛ Bitinia be nsawuleana so na kutɔ nna.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.

Kelaraŋŋini 7:4

Le be kamalga ere be kaman nɛ n nu kananɛ basa nɛ b dulgi na kikɛ sa. B daa wɔ basa ŋgboŋ kalfa nɛ ŋgboŋ adena nɛ ŋgboŋ ana ashi Israɛlebi be nnaŋ na kikɛ to. Kanaŋkama nɛ kananɛ bumo be basa dulgiso daa sa nde: