Hoziya 9:9 - EBƆRƐ BE KAWƆL

⁹ Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Hoziya 9:9 Iomraidhean Croise

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 31:6

Kede be kaman nɛ Enyɛnpe Ebɔrɛ na naŋ kaŋɛ: “Menyi Israɛl be basa wora kulubi n da ma so nseŋ kini ma. Ama naniere, men bɛta m ba ma kutɔ!

Jɛremaya 14:10

Ndoŋ nna nɛ Enyɛnpe Ebɔrɛ na kaŋɛ le a laŋɛ basa na be kaplɛa so. E yɛ: “Basa ere bee sha kebaa shile ma nna ga. B maa sha kebaa firgi a taga ma to kikɛ. Amoso bumo be asheŋ maa par ma. Meeŋ nyiŋi bumo be asheŋ lubi nseŋ gberge bumo kusoe.”

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Hoziya 10:9

Enyɛnpe Ebɔrɛ yɛ: “Baŋ yili saŋɛ so nɛ Israɛlebi wora kulubi ŋ gbiti ma ashi Gibia na m ba fo mbre, b maŋ naŋ yige alubi be kebaawora a gbiti ma. Amoso Gibia nɛ baaŋ baa wɔ nɛ bedoŋ e ta kena m ba tu bumo.

Hoziya 4:9

Menyeeŋ nya kasogberge nɛ basa na beeŋ nya na gbagba. Meeŋ gberge menyi kusoe ŋkpal alubi nɛ menyee wora na so.

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Hoziya 7:2

B maŋ nyi fanɛ meeŋ nyiŋi bumo be alubi nɛ baa wora na. Ma alɛ bee wu alubi nɛ a kulti bumo n wɔtɔ na kikɛ.

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:8

Ebɔrɛ shuŋi ma nna fanɛ anebi nɛ m ba kpele mbe basa Israɛlebi kusoe, ama kaplɛkama nɛ m bɔla, menyee sho ma ajigbelɛ nna fanɛ kabuibi na. Anebiana ki basa bumo doŋana nna ashi Ebɔrɛ be lambu to.

Zefanaiya 3:7

N daa nyi fanɛ kumo be loŋ beeŋ shin nɛ ma basa e ta bunyaŋ n sa ma nseŋ sɔ kasogberge nɛ n sa bumo na nna, ama k maŋ chɛr ko nɛ b naŋ bɛta a wora alubi nɛ a chɔ amo nɛ b daa wora dra na gba.

Demujipoana 19:12

Nɛ mo nyɛnpe kaŋɛ: “Ayai. Anyi maaŋ dese basa nɛ b maŋ la Israɛlebi ere be kade to. Anyeeŋ baa yɔ kade nɛ baa tre Gibiya na ŋko Rama, n ya dese amo be kuko to n wushi.”

Demujipoana 19:16

Jemanɛ nɛ b tase kelɔnɛ na so na nɛ kanyɛnnimubi ko shi ndɔ to a ba. Mo alɛ daa la esa nɛ e shi Efrayim be kepreŋsawule so nna nseŋ ba chena Gibiya ndoŋ.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 20:43

Israɛl be benapo na daŋ kulti Bɛnjamin be basa na nna n wɔtɔ nseŋ daŋ ju m buu bumo so m mɔ bumo hale n ya lar Gibiya be epeŋilarkpa be kaba so.