Hoziya 9:7 - EBƆRƐ BE KAWƆL

⁷ Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Hoziya 9:7 Iomraidhean Croise

2 Bewura 9:11

Ndoŋ nna nɛ Jehu bɛta n yɔ mo braana benimu na kutɔ nɛ b bishi mo le: “Nuso nɛ asheŋ du? Manɛ nɛ ebompo ere bee fin fo kutɔ?” Nɛ Jehu kaŋɛ: “Men nyi kusɔ nɛ e bee sha gba.”

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 11:23

N teŋ yili jemanɛ nɛ kemurgboŋ na beeŋ ba Anatɔf be basa so, kumo alɛ kaŋ fo, bumo be ekama maaŋ ji efute.”

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 23:13

N daŋ wu ekishisheŋ nɛ Samɛria be kadegboŋ na to be anebiana wora. B daa malga a sa basa ashi kegbir nɛ baa tre Baal na be ketre to nna, a shin nɛ ma basa bee foe ekpa.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 6:14

Baa wora asheŋ nna fanɛ ma basa be asheŋ lubi na ka maŋ la shɛŋ. B yɛ, ‘Kusɔ kama bee nite nɛnɛ nna.’ Saŋɛ so nɛ asheŋ malɛ maa nite nɛnɛ.

Jɛremaya 8:11

Baa wora asheŋ nna fanɛ ma basa be asheŋ tirso ka maŋ la shɛŋ n sa bumo na nna. B yɛ: ‘Kusɔ kama bee nite nɛnɛ, saŋɛ so nɛ asheŋ maa nite nɛnɛ.’

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Ezikɛl 13:10

Anebiana na bee fule a kaŋɛ ma basa nna fanɛ kayurwushi bee ba, jemanɛ nɛ kayurwushi maŋ wɔtɔ. Ma basa pɔr egbal pɔso, nɛ anebiana na ta asɔ nyɔɔso fuful n nyɔɔ egbalana na.

Ezikɛl 13:3

Kusɔ nɛ Enyɛnpetale Ebɔrɛ na bee kaŋɛ nde: “Asheŋ maaŋ nyalɛ n sa anebi fɛpoana na. B maa ku ebɔrɛdare. Bumo gbagba be abɔya nɛ baa malga!

Ezikɛl 25:17

Meeŋ gberge bumo kusoe kenishipereso nseŋ wora n tal bumo to nɛ b pin kananɛ ma agbo gboŋ du nɛ b pin fanɛ ma, e la Enyɛnpe Ebɔrɛ na.”

Ezikɛl 38:23

Kananɛ meeŋ ŋini efuliana na kikɛ ma keshi nɛ kecheembiya nna na. Aloŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Hoziya 5:9

Kasogberge bee ba, loŋ malɛ be kachɛ na nɛ Israɛl be basa beeŋ mur cheche. Israɛlebi, kesheŋ ere beeŋ wora kashenteŋto!

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:8

Ebɔrɛ shuŋi ma nna fanɛ anebi nɛ m ba kpele mbe basa Israɛlebi kusoe, ama kaplɛkama nɛ m bɔla, menyee sho ma ajigbelɛ nna fanɛ kabuibi na. Anebiana ki basa bumo doŋana nna ashi Ebɔrɛ be lambu to.

Eemɔs 8:2

nɛ e bishi ma le: “Eemɔs manɛ nɛ fo wu?” Nɛ n yɛ: “Asɔrso belso kelantaŋɛ be bɔlɔ nɛ n wu.” Nɛ Enyɛnpe Ebɔrɛ naŋ kaŋɛ ma le: “Kananɛ asɔrso ere bel ere aloŋ nɛ ma basa Israɛlebi be ekar fo. M maaŋ ta bumo be alubi m paŋ bumo kikɛ.”

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Maak 3:21

Mbe basa ka nu kumo be asheŋ nɛ b lar nɛ b ba keta mo n lar ndoŋ, ŋkpal manɛ so, b nu basa ka bee kaŋɛ fanɛ: “Mbe kumu kilgi nna.”

Luuk 21:22

ŋkpal manɛ so, naniere baaŋ gberge Israɛlebi kusoe n tal to n shin nɛ abɔrɛsibɛ na kikɛ e bɔla ekpa.

2 Kɔrintebi 5:13

Ŋkpal manɛ so, nɛ an baa maa kɔ nfɛra, keshuŋ Ebɔrɛ so nɛ anyi maŋ kɔ nfɛra, nɛ anyi alɛ naa kɔ anyi be nfɛra kleembi, menyi so nɛ an kɔ amo.

Kelaraŋŋini 16:19

Nɛ kadegboŋ na barga to ntuŋ nsa so nɛ durnya to be ndegboŋ kama mur. Nɛ Ebɔrɛ nyiŋi Babilɔn lempo nseŋ ta katishaŋ mo nɛ k bɔlɔ mbe agbo damta be nsa na n sa fanɛ e nuu.