Hoziya 9:6 - EBƆRƐ BE KAWƆL

⁶ Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Hoziya 9:6 Iomraidhean Croise

2 Bewura 13:7

Ŋkpal Siriya be ewura Haziɛl ka kɔ m pɔɔ Israɛl so nseŋ nɔkɔr bumo ga so, ewura Jehowahaz daa maŋ naa kɔ benapo damta, she egbaŋɛdiipo adunu nɛ egbaŋɛturko kudu nɛ benapo nɛ baa nite ayaso ŋgboŋ kudu nawule.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Aŋasa 24:31

nɛ afitiri nɛ ewi sɔ kudɔ na kikɛ, nɛ ajembu be egbal nɛ e pɔr ŋ kulti kumo na kikɛ tɔr.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 19:13

Benimuana nɛ b wɔ Zowan nɛ Mɛmfis na la bewulpo nna. Bumo e daŋ daga fanɛ b juŋkpar efuli na, ama b sa basa kasotoji lubi nɛ k shin nɛ efuli na be basa foe ekpa.

Aizaaya 27:12

Jemanɛ ko bee ba nɛ Enyɛnpe Ebɔrɛ na e yili Lɔrgboŋ nɛ baa tre Yufreetes na n ya fo Ijipt be egbaŋ to na ŋ gama mbe basa abar so fanɛ kananɛ baa beri ayu a chela to a deŋi abar so na.

Aizaaya 32:13

nɛ ewi be yiri yiri kɔr ma basa be nsawule so so. Men baa shu anishichubi ŋkpal kagbenefuli nɛ k maŋ naa wɔ basa be elaŋ to ashi kadegboŋ nɛ kebaawɔtɔ daa nite nɛnɛ kumo to na so.

Aizaaya 34:13

Ewi nɛ egɔnnyaŋɛ e naaŋ kɔr bumo be ewurkpaana nɛ nde nɛ b pɔr egbal ŋ kulti amo na kikɛ to. Saŋɛ na so ejiŋkaamu nɛ egbuŋgbula be yiri yiri beeŋ ba kaa wɔ amo to.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Jɛremaya 2:16

Benapo nɛ b shi Ijipt be efuli so be ndegboŋana fanɛ Mɛmfis nɛ Taapanes na e ba mur Israɛlebi be kasawule n shin nɛ b ji anishinyɔr fanɛ b ka pɛ bumo n she bumo be amu na.

Jɛremaya 42:22

Amoso men baa nyiŋi fanɛ menyeeŋ wu kena to ŋko akoŋ ŋko alɔ beeŋ mɔ menyi ashi Ijipt be efuli nɛ menyee sha keya chena so na so.”

Jɛremaya 44:1

Nɛ Enyɛnpe Ebɔrɛ na malga ma kutɔ a laŋɛ Israɛlebi nɛ b wɔ Ijipt be efuli so be ndegboŋana nɛ baa tre Migdɔl nɛ Taapanes nɛ Mɛmfis nɛ e wɔ efuli na be kelargato be esoso na nɛ bumo nɛ a wɔ efuli na be kelargato be kaseto be kaba so na be kaplɛa so.

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 44:13

Kananɛ n ta kena nɛ akoŋ nɛ alɔ ŋ gberge Jerusalɛm to be basa kusoe na, aloŋ nɛ meeŋ gberge bumo nɛ b wɔ Ijipt na kusoe.

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 46:19

Ijipt be basa, men bela ase n wora shiriya; bedoŋ beeŋ ba pɛ menyi n yɔ kenyaya to. Menyi be kadegboŋ nɛ baa tre Mɛmfis na beeŋ bure a dese fuloŋ nɛ esa kikɛ maaŋ naa wɔ kumo to.

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Ezikɛl 30:16

Meeŋ shin nɛ edɛ e ji Ijipt nɛ kagbenejija e tɔr basa nɛ b wɔ Pɛlusium na so. Egbal nɛ b pɔr ŋ kulti Tɛɛbis n wɔtɔ na beeŋ bure n tɔr nɛ nchu e ji kadegboŋ na; nɛ kufu a tɔr basa nɛ b wɔ Mɛmfis na so.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Hoziya 11:11

Baaŋ shi Ijipt be efuli so m mel abar so m ba fanɛ mbuibi na. Nseŋ shi Asiriya be efuli so m ba fanɛ elɔpo na. Loŋ be saŋɛ na nɛ meeŋ bɛta bumo m ba chena bumo peana. Ma Enyɛnpe Ebɔrɛ na e kaŋɛ na.”

Hoziya 2:6

Amoso meeŋ ta ewidibi n yuu n chambɔ mo n wɔtɔ nseŋ pɔr egbal malɛ ŋ kuŋ mo nɛ e maaŋ naŋ nya ekpa n lar.

Hoziya 7:11

Israɛlebi bee kilgi to nna fanɛ keli nɛ k maŋ nyi asheŋ nna. Baa shile nna a yɔ Ijiptebi nɛ Asiriyaebi kutɔ n ya kaa fin kechɛto naniere!

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Zefanaiya 1:11

Menyi nɛ men wɔ kegbɛto be kebonfu so na e baa boŋ to a shu ga, ŋkpal manɛ so, menyi be eyawujipoana maŋ naa wɔtɔ. Bekama nɛ baa ta gbiti a ji yawu na beeŋ mur cheche.

1 Samuɛl 13:6

Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;