Hoziya 9:3 - EBƆRƐ BE KAWƆL

³ Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Hoziya 9:3 Iomraidhean Croise

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

2 Bewura 17:6

Hoshiya be kuwurji be kafɛ kpanusopo to nɛ Asiriya be ewura kɔ m pɔɔ Samɛria be kade so nseŋ pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nna nseŋ yɛr beko malɛ Gozan be efuli so a mata Lɔr nɛ baa tre Habɔɔ na, nseŋ yɛr beko malɛ Midia be nde to nɛ b ya chena ndoŋ.

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Nfabel 5:6

Ijipt nɛ Asiriya be efuliana so nɛ an ya kaa kule ajibi nɛ anyeeŋ ji nseŋ nya ŋkpa a wɔtɔ.

Ezikɛl 4:13

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kede bee ŋini kananɛ Israɛl be basa beeŋ ji ajibi nɛ baa kishi jemanɛ nɛ meeŋ pesaŋ bumo to n yɔ efuli pɔtɛana so na nna.”

Danɛl 1:8

Danɛl malɛ daŋ yili kumo mbe nfɛra to nna fanɛ, e maaŋ ji ewurkpa be ajibi na ŋko n nuu ndoŋ be nsa na n da bumo be daŋkare be ekishi so, amoso e daŋ kule Ashpenaaz nna fanɛ e chɛ mo to nɛ e sa maŋ da daŋkare be ekishi so.

Hoziya 11:11

Baaŋ shi Ijipt be efuli so m mel abar so m ba fanɛ mbuibi na. Nseŋ shi Asiriya be efuli so m ba fanɛ elɔpo na. Loŋ be saŋɛ na nɛ meeŋ bɛta bumo m ba chena bumo peana. Ma Enyɛnpe Ebɔrɛ na e kaŋɛ na.”

Hoziya 11:5

Ama b kraŋ kini k ba ŋ kutɔ nseŋ bɛta n yɔ Ijipt be efuli so. Naniere, Asiriyaebi e naaŋ baa ji bumo so eleŋ.

Hoziya 7:11

Israɛlebi bee kilgi to nna fanɛ keli nɛ k maŋ nyi asheŋ nna. Baa shile nna a yɔ Ijiptebi nɛ Asiriyaebi kutɔ n ya kaa fin kechɛto naniere!

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Levitikɔs 18:28

nɛ kasawule na e sa maŋ kini menyi fanɛ kananɛ k kini nnyamase nɛ b daa wɔ kumo so na.

Levitikɔs 20:22

Ade be kaman nɛ Enyɛnpe Ebɔrɛ na naŋ kaŋɛ, “Men baa nu nsaa bɛ ma mbraana nɛ atande nɛ n yili n sa menyi na kikɛ so, saŋɛ na so, Keenan be kasawule nɛ m bar menyi kumo so na maaŋ kini menyi n lɛ.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Maika 2:10

Men koso a yɔ! Nfe maŋ la kakpa nɛ menyeeŋ chena n wushi. Ŋkpal manɛ so, menyi be alubi shin nɛ k wora eyurpi nseŋ ki kakpa nɛ k beeŋ mur.

Ashuŋ Shunso 10:14

Nɛ Pita kaŋɛ: “Akai, Enyɛnpe, ŋkpal manɛ so, m maŋ naŋ ji kusɔ kama nɛ k maŋ walɛ so nɛ anyi Juwebi bee kishi kikɛ.”

Ditɛronɔmi 28:63

Enyɛnpe Ebɔrɛ na fuli kagbene nna n shin nɛ asheŋ bee nite nɛnɛ a sa menyi nseŋ shin nɛ men wora keshi n ti so. Ama nɛ men kini kewora mo kasonu, kumo ere e maaŋ naŋ tiŋ n wora shɛŋ, ama kemur menyi ashi kasawule nɛ menyee yɔ nɛ men ya chena so na.

Ditɛronɔmi 28:68

N daŋ kaŋɛ menyi fanɛ men sa maŋ kaŋ bɛta n yɔ Ijipt be efuli so. Ama naniere Enyɛnpe Ebɔrɛ na gbagba beeŋ bɛta menyi n wɔtɔ nchu so be ekuloŋgboŋ to n yɔ Ijipt, nɛ men ya kaa sha kefa menyi be amu fanɛ anya nɛ esa kikɛ maaŋ tɔ menyi ndoŋ.

Ditɛronɔmi 4:26

Amoso, esoso nɛ kasawule bee ji ma shɛda kabre nna fanɛ nɛ men kaŋ kini kenu n sa ma, k maaŋ chɛr nɛ men mur kasawule na so. Menyi maaŋ chena kasawule nɛ k wɔ Jɔɔdan be kaba ndoŋ na so n chɛr. Menyeeŋ mur cheche.

Joshuwa 23:15

Kananɛ e baaŋ bɛ kɔnɔ naseso kama nɛ e nase n sa menyi so na, loŋ koŋwule na nɛ e beeŋ tiŋ m bar kasogberge gba menyi so.