Hoziya 9:15 - EBƆRƐ BE KAWƆL

¹⁵ Enyɛnpe Ebɔrɛ yɛ: “Bumo be asheŋ lubi be kewora fara ashi Gilgaal nna. Ndoŋ nɛ ma alɛ fara n nya kekishi n sa bumo. Ma alɛ beeŋ ju bumo ashi ma kasawule ere so ŋkpal kulubi nɛ b wora na so. Ma kasha maŋ naa wɔ bumo so ŋkpal manɛ so bumo be bejuŋkparpoana kikɛ kini kenu n sa ma.

Hoziya 9:15 Iomraidhean Croise

Nshɛ 78:60

E daŋ kini mbe wajɛbu nɛ e daa wɔ kumo to ashi mbe basa to ashi Shilo be kade to nna n lɛ.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Jɛremaya 11:15

Kede be kaman, nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ Juda be basa le: “Men la ma basa laraso nna, ama menyi maŋ kɔ ekpa nɛ men baa wɔ ma bɔrɛlambu to a wora asheŋ lubi lubi ere. Esarga nɛ menyee lara a sa ma ere maaŋ tiŋ ŋ kuŋ menyi ashi kemurgboŋ na to, amoso men yige kusɔ nɛ menyee wora ere.

Jɛremaya 12:8

Ma basa laraso e pal kaman n sa ma na. B ki fanɛ ebuluŋ nna a muni ma ashi kupo to, ŋkpal loŋ so nɛ n nya agbo n wɔtɔ bumo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Ezikɛl 23:18

Oholiba shin nɛ ekama wu mbe kesaria nseŋ pin fanɛ sakaleche e daa la mo. Mbe asheŋ daŋ ba kaa nu ma agbo nna ga nɛ m pal kaman n sa mo fanɛ kananɛ n daŋ wora mo da, Ohola na.

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Hoziya 1:9

Ndoŋ nna nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ammi. Kumo be kifito e la fanɛ b maŋ naa la ma basa. Ŋkpal manɛ so, Israɛl be basa na maŋ naa la ma basa, nɛ ma alɛ gba maŋ naa la bumo be Ebɔrɛ.”

Hoziya 12:11

Ade kikɛ be kaman nɛ b kraa shuŋ agbir ashi Giliad. Basa nɛ bumo alɛ bee shuŋ agbir na beeŋ wu. B ta egbolu n lara sarga ashi Gilgaal. Ndoŋ be ebɔrɛsure malɛ beeŋ bure to ŋ ki ajembu n deŋi abar so kululu ashi kupuŋ to.”

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Hoziya 3:4

Loŋ koŋwule na nɛ k beeŋ chɛr ga pɔɛŋ nɛ Israɛl be basa e nya ewura ŋko basa nɛ baaŋ ba juŋkpar bumo. K beeŋ chɛr pɔɛŋ nɛ b naaŋ bɔla esarga ŋko ajembu cheembi ŋko kabɔrɛmata be piŋi ŋko agbir so n fin Ebɔrɛ be nɛfa.

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Hoziya 4:9

Menyeeŋ nya kasogberge nɛ basa na beeŋ nya na gbagba. Meeŋ gberge menyi kusoe ŋkpal alubi nɛ menyee wora na so.

Hoziya 7:2

B maŋ nyi fanɛ meeŋ nyiŋi bumo be alubi nɛ baa wora na. Ma alɛ bee wu alubi nɛ a kulti bumo n wɔtɔ na kikɛ.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Eemɔs 4:4

Enyɛnpetale na yɛ: “Menyi Israɛlebi e yɔ Bɛtɛl n ya kaa wora alubi kanaŋkamaso nɛ menyee sha! Men yɔ Gilgaal gba n ya ka wora alubi ndoŋ a ta asɔbɔya a lara sarga kachipurso kikɛ nsaa lara sarga nɛ menyi be kudukudusopo nchɛ asa sa kikɛ.

Eemɔs 5:27

Amoso meeŋ shin nɛ men doŋana e pɛ menyi nseŋ tintiŋ menyi n yɔ kadegboŋ nɛ baa tre Damaskɔs na hale m baŋ kumo so n yɔ efuli wɔfɔ kenyaya to.” Enyɛnpe Ebɔrɛ nɛ mbe ketre la Enyɛnpetale Ebɔrɛ na e malga na.

Eemɔs 5:5

Men sa maŋ kaŋ yɔ Bɛshiba n ya shuŋ kegbir kikɛ. Menyi alɛ e sa maŋ kaa fin ma a yɔ Bɛtɛl ŋkpal manɛ so k maaŋ naa la shɛŋ. Men sa maŋ kaŋ yɔ Gilgaal gba ŋkpal manɛ so bedoŋ beeŋ tintiŋ kumo be basa n yɔ kenyaya to efuli wɔfɔ.”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”

Zefanaiya 3:3

Kumo be ekrachi du fanɛ ebuluŋ nɛ a bee munto nna, nɛ kumo be demujipoana malɛ du fanɛ ejiŋkaamu nɛ a bee pɛ kusɔ kanyɛso a ji nɛ, kare be kechɛ kachipurso nɛ shɛŋ maŋ naŋ ka na nna.

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

Ashuŋ Shunso 5:21

Beshuŋipo na ka nu loŋ nɛ b yɔ bɔrɛlambu na to karechɛso n ya fara a ŋini basa abɔrɛsheŋ na. Nɛ bɔrɛmatapo nimuso na nɛ mo braana tre Juwebi be benimuana na kikɛ fanɛ bumo, nshɛrwuraana na kikɛ nyam e ba shɛr. Kumo be kaman nɛ b shuŋi fanɛ b ya lara beshuŋipo na kabuti to m ba.

Joshuwa 10:43

Ade kikɛ be kaman nɛ Joshuwa nɛ mbe benapo na kikɛ bɛta n yɔ bumo keeyi to ashi Gilgaal.

1 Samuɛl 7:16

Kafɛ kikɛ e bee nite a chambɔ Bɛtɛl nɛ Gilgaal nɛ Mizpa be nde nna a ji Israɛlebi nɛ b wɔ ndoŋ be asheŋ n sa bumo.