Hoziya 9:12 - EBƆRƐ BE KAWƆL

¹² Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Hoziya 9:12 Iomraidhean Croise

2 Bewura 17:18

Amoso Enyɛnpe Ebɔrɛ daŋ nya agbo nna ga n wɔtɔ Israɛlebi na nseŋ shin nɛ b pɛ bumo n yɔ kenyaya to efuli wɔfɔ so ŋ ka Judaebi na nawule.

2 Bewura 17:23

hale nɛ Enyɛnpe Ebɔrɛ na ba ju bumo n lɛ fanɛ kananɛ e bɔla mbe nyɛrbi anebiana so ŋ kaŋɛ na. Kumo so nɛ b daŋ tintiŋ Israɛlebi na n lara bumo ashi bumo gbagba be kasawule so n yɔ Asiriya be efuli so kenyaya to, nɛ b wɔ ndoŋ hale kabre na.

Job be kawɔl 27:14

Baaŋ tiŋ ŋ kurge mbia damta ga, ama akoŋ ŋko kena e naŋ mɔ bumo be galeŋga.

Jɛremaya 15:7

Meeŋ chela menyi to fanɛ ayu ashi efuli na so be kade kama to. Meeŋ ta kagbenejija nɛ luwu ŋ gberge menyi kusoe, ŋkpal men ka maŋ yige alubi lubi be kewora so.

Jɛremaya 6:8

Jerusalɛm to be basa, men shin nɛ etɔrɔ ere e baa la kasokpele n sa menyi. Nɛ mannɛ aloŋ, meeŋ kplaŋ menyi so nseŋ shin nɛ menyi be kadegboŋ na e ki fanɛ keshishɛrsawule nɛ ekama maŋ wɔ kumo so.”

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 9:13

“Israɛl, ŋ ka tu fo sososo na, fo daa du fanɛ abii be ndibi nɛ b duu kasawule lela so nna. Ama naniere bre fo keta fo basa nna a yɔ nɛ b ya mɔ bumo.”

Hoziya 9:16

Israɛl be basa ki nna fanɛ kedibi nɛ kumo be nliŋi wɔl nɛ k maaŋ naŋ tiŋ n sɔr asɔrso. B maaŋ tiŋ ŋ kurge. Hale nɛ b kurge gba, meeŋ mɔ bumo be mbia nɛ baa sha ga na.”

Malakai 2:12

Enyɛnpe Ebɔrɛ na e lara le be basa ere ashi Israɛlebi to, nsaa maŋ shin nɛ b ti bumo so m ba lara sarga nɛ efuli na kikɛ bee lara a sa mo Enyɛnpetale na.

Nɔmbɛs 14:34

Ŋkpal men ka ta nchɛ adena n dara efuli na so, menyeeŋ nite a kilgi to keshishɛrsawule ere so nfɛ adena. Kafɛ koŋwule kikɛ bee yili nna a sa kachɛ koŋwule. Ndoŋ nɛ menyeeŋ pin kananɛ ma kekilgi ŋ kɔ esa du.

Nɔmbɛs 26:65

ama Jefune pibinyɛn Kalɛb nɛ Nun pibinyɛn Joshuwa nawule. Enyɛnpe Ebɔrɛ yɛ bumo be buushi basa na kikɛ beeŋ wu keshishɛrsawule na so.

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 28:32

Basa beeŋ ba pɛ menyi be mbia tintiŋ so n yɔ efuli pɔtɛ so nɛ men baa yil a keni, ama menyi alɛ maaŋ tiŋ n wora shɛŋ. Karechɛ kikɛ menyeeŋ baa mɛrge anishi a keni ekpa fanɛ menyi be mbia na beeŋ bɛta m ba hale nɛ menyi maaŋ naa wu nɛnɛ. Ama mbia na malɛ maaŋ naŋ bɛta m ba kikɛ.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Ditɛronɔmi 32:25

Kena beeŋ ku menyi be agbembi so m bar menyi luwu, nɛ kufugboŋ e ba menyi so ashi men be elaŋana to. Mbifɔlbi beeŋ wu. Mbiwurbi nɛ basa nɛ b bel kikɛ maaŋ lar.

Demujipoana 4:16

Nɛ Barak nɛ mbe benapo ju m buu bumo so hale n ya lar Haroshɛt Hagoyim. B daŋ mɔ Sisɛra be benapo na kikɛ. Esa koŋwule gba daŋ maŋ ka.

1 Samuɛl 16:14

Nɛ Enyɛnpe Ebɔrɛ be kiyoyu lar Sɔɔl to, nɛ kiyoyu lubi ba luri mo to a tɔrɔ mo ga.