Hoziya 9:11 - EBƆRƐ BE KAWƆL

¹¹ Amoso Israɛlebi be kemaŋkura beeŋ shile bumo so fanɛ kabuibi ka firgi n choŋ na. Bumo be beche gba maaŋ naŋ tiŋ n da adampu ŋ kurge mbia n sa bumo.

Hoziya 9:11 Iomraidhean Croise

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Jɛnesis 49:22

Josɛf, fo du fanɛ kefeelebi nɛ k bee sɔr asɔrso lela nɛ baa tre greep, nɛ k yili m mata eboŋkar nɛ kumo be ayabi daŋ n ya kaa dii a buu egbal so na nna.

2 Samuɛl 6:23

Ŋkpal kusɔ nɛ Sɔɔl pibiche Mikaal kaŋɛ na so e daa maŋ naŋ kurge kikɛ hale m ba wu.

Job be kawɔl 18:5

Basa lubi be efitila maa chɛr nsaa duŋ a ka bumo tentembiri to ashi bumo be elaŋana to.

Nshɛ 58:8

Shin nɛ b wɔlso fanɛ konte nseŋ shin nɛ b sa maŋ wu epeŋi fanɛ kebia nɛ e laŋɛ.

Kaŋinichiŋgeliŋ 6:3

Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Aizaaya 17:3

Israɛl beeŋ paŋ kumo be ndegboŋana nɛ b pɔr egbal lempoana a kuŋ amo na nɛ Damaskɔs be kuwurgboŋ na malɛ e mur. Siriya be basa kama nɛ baaŋ ji efute na beeŋ ji anishinyɔr fanɛ Israɛl be basa. Ma, Enyɛnpetale Ebɔrɛ na e kaŋɛ.”

Hoziya 10:5

Kufu beeŋ pɛ basa nɛ b wɔ Samɛria be kadegboŋ to na, nɛ b shu ga ŋkpal bumo be kegbir nɛ b ta shuwa m pɔr fanɛ gbolu na ka foe ashi Bɛtɛl so. Bumo nɛ agbirwuraana nɛ baa shuŋ kumo na beeŋ shu ga ŋkpal kumo so. Saŋɛ nɛ baaŋ marga kumo so be shuwa na nɛ baaŋ shu awɔrso ga.

Hoziya 4:7

Kananɛ bɔrɛmatapoana na bee wora kishi a ti so, loŋ koŋwule nɛ baa wora alubi a gbiti ma a ti so. Ŋkpal loŋ so, meeŋ shin nɛ men be kemaŋkura nɛ men kɔ na e ki anishinyɔr n sa menyi.

Hoziya 5:9

Kasogberge bee ba, loŋ malɛ be kachɛ na nɛ Israɛl be basa beeŋ mur cheche. Israɛlebi, kesheŋ ere beeŋ wora kashenteŋto!

Hoziya 9:14

Enyɛnpe Ebɔrɛ, manɛ bre nɛ feeŋ wora basa ere? Shin nɛ bumo beche e ki begbentepo, ŋko b sa maa kɔ kenyipochu nɛ bumo be mbia e nyipo.

Eemɔs 1:13

Enyɛnpe Ebɔrɛ yɛ: “Ammɔn be basa wora alubi n ya baŋ so. Amoso abaanaaworashɛŋ meeŋ gberge bumo kusoe. M maaŋ yige bumo kikɛ. B ka daa kɔ a fin kasawule na, b daŋ baŋɛ bedampoche nɛ b daa wɔ Giliad na be epunana to nna.

Luuk 23:29

Ŋkpal manɛ so, saŋko bee ba nɛ b kaŋɛ le: ‘Begbentepoana nɛ basa nɛ b maŋ naŋ kurge ŋ ku so nɛ beche nɛ mbia maŋ naŋ nyipo ŋ ku so nu ebel kashenteŋto bre.’

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 33:17

Gbolu be eleŋ nɛ Josɛf daa kɔ, nseŋ daŋ kɔ gbolu fɛlso malɛ be alambɛ. Mbe alambɛ na e la Manase be benapo ŋgboŋ to ŋgboŋ to nɛ Efreim be benapo ŋgboŋ to kudu. Benapo lempo na nɛ e beeŋ ta m pɔɔ efuliana na so hale n ya fo durnya be ekar.”