Hoziya 8:7 - EBƆRƐ BE KAWƆL

⁷ Men baŋ maŋ du ayu nseŋ du afu, kawuliwuli nɛ menyeeŋ teŋi. Ayu baaŋ maŋ bel a maaŋ tiŋ n wul kude. Nɛ men baŋ teŋi ayu gba, bedoŋ beeŋ ba sɔ amo ŋ ka menyi.

Hoziya 8:7 Iomraidhean Croise

Jɛnesis 41:23

Le be ayu ere be kaman nɛ ayu be amu ashunu ko malɛ naŋ lar, a du pɔsampɔsambi fanɛ ewule kpakpaso be epeŋi nɛ afu tushiso nɛ a shi epeŋipetekpa ka chɔ amo na.

2 Bewura 15:19

Asiriya be ewurgboŋ Tiglaf Pilesa daŋ ba kɔ Israɛl kena nna nɛ Menahɛm sa mo shuwa kilo ŋgboŋ adesa saŋɛ na so mo nɛ mo beeŋ ba wɔ ebel nɛ e chɛ mo to n shin nɛ mbe efuli so ebi e baa nu a sa mo.

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

Job be kawɔl 4:8

Kusɔ nɛ ma ere nyi e la fanɛ basa nɛ baa du kulubi bumo be amu to nɛ k bee kɔr.

Aŋasa 22:8

Bekama nɛ baa duu alubi beeŋ nya amo be tɔnɔ. Bumo be agbo lubi e naŋ yɛr bumo kemur to.

Kaŋinichiŋgeliŋ 5:16

K daŋ maŋ daga fanɛ loŋ e wora kuraa! Kananɛ an ba loŋ nɛ anyeeŋ naŋ yɔ. Anyee shuŋ ga nna fanɛ an ka beeŋ tiŋ n ju afu m pɛ na, ama amo nɛ amo kikɛ manɛ b tɔnɔ nɛ anyee nya?

Aizaaya 17:11

Ama nɛ aduuso na kɔr n daŋ nseŋ purge kachɛ nɛ men duu amo na kikɛ gba, men kraa maaŋ teŋi shɛŋ amo so, ama etɔrɔ nɛ ebesa nɛ a maaŋ ku nɛ menyeeŋ nya.

Aizaaya 55:2

Manɛ nna nɛ menyee jija amansherbi asɔ nɛ a maŋ la ajibi so? Manɛ nna nɛ menyee shuŋ ga a fin asɔ nɛ a maaŋ chɛ menyi to? Men nu asɔ nɛ mee kaŋɛ menyi ere nseŋ wora amo nseŋ nya ajibi kikɛ to be alela n ji.

Aizaaya 66:15

Keni, Enyɛnpe Ebɔrɛ na kɔ edɛ nna a ba. E beeŋ ta mbe gbaŋɛturko nɛ k bee kpa edɛ na m bɔla kawuliwuli so m ba. E nya agbo nna ga a ba nɛ e ba ta edɛ ŋ gberge mo doŋana kusoe.

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Hoziya 2:9

Amoso kasɔteŋi be jemanɛ baŋ naŋ fo, m maaŋ naŋ sa mo ajibi nɛ asɔ nuuso nɛ asɔbuuso.

Hoziya 7:9

Bumo alɛ maŋ nyi fanɛ bumo be egbɛ nɛ b ta n deŋi efuli pɔtɛana so ere so nɛ b maŋ naa kɔ eleŋ na. Baaŋ bel n fuli amu nɛ efuli pɔtɛana so ebi e baa kraa ji bumo so eleŋ nɛ bumo alɛ maŋ nyi.

Hoziya 9:16

Israɛl be basa ki nna fanɛ kedibi nɛ kumo be nliŋi wɔl nɛ k maaŋ naŋ tiŋ n sɔr asɔrso. B maaŋ tiŋ ŋ kurge. Hale nɛ b kurge gba, meeŋ mɔ bumo be mbia nɛ baa sha ga na.”

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”

Galeeshaebi 6:7

Men sa maŋ kaŋ fule men be amu. Esa maaŋ tiŋ n wora Ebɔrɛ eyurto. Kusɔ kama nɛ esa baŋ duu, kumo gbagba nɛ e beeŋ ba teŋi kacha ko.

Galeeshaebi 6:8

Nɛ e bee duu kapɔr lubi ere be aparsheŋ be asɔ, kapɔr lubi na to nɛ e beeŋ bɔla n nya luwu. Nɛ ekama malɛ nɛ e bee duu Kiyoyu na be aparsheŋ be asɔ, Kiyoyu na to nɛ e beeŋ bɔla n nya ŋkpa nɛ k maŋ kɔ ekar na.

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.