Hoziya 8:2 - EBƆRƐ BE KAWƆL

² Kashenteŋ nna fanɛ baa tre ma bumo be Ebɔrɛ nsaa kaŋɛ fanɛ ma basa e la bumo, nɛ b nyi ma,

Hoziya 8:2 Iomraidhean Croise

2 Bewura 10:16

nɛ e kaŋɛ mo le: “Tu ma nɛ an yɔ nɛ fo ya keni kananɛ m pere kenishi a shuŋ Enyɛnpe Ebɔrɛ na. Ndoŋ nna nɛ b dii bumo be egbaŋɛturko m bɛ abar so n yɔ Samɛria.”

2 Bewura 10:29

Ama ewura Jehu gba wora alubi nɛ ewura Jeroboam daŋ wora saŋɛ so nɛ e ta shuwa n lɔŋɛ egbolufɔlbi nɛ Israɛl be basa shuŋ amo ashi Bɛtɛl nɛ Dan na nna.

Jɛremaya 7:4

Men sa maa fule menyi be amu a kaŋɛ fanɛ Sheŋ maaŋ tiŋ n wora anyi, ŋkpal Enyɛnpe Ebɔrɛ na be bɔrɛlambu ka wɔ Jerusalɛm nfe so! Men sa maa fɛ fanɛ bɔrɛlambu ere beeŋ tiŋ m mɔlga menyi.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Hoziya 8:3

ama b kini kusɔ nɛ k walɛ. Ŋkpal loŋ so, bumo doŋana beeŋ ju m buu bumo so.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Matiu 25:11

Kumo alɛ be kaman nɛ besuŋgurbi wulpoana na malɛ ba m ba kaa kaŋɛ le: ‘Enyɛnpe, Enyɛnpe, bugi anyi.’

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Taites 1:16

B yɛ b nyi Ebɔrɛ, bumo alɛ nsaa kini mo ashi bumo be kebaawɔtɔ nɛ asheŋ woraso to. Bumo be alubisheŋ nɛ bumo be amuleŋ maŋ kɔ ebarkasa, b maŋ walɛ kelela be kusɔ kama be kewora.

1 Jɔn 2:4

Esa kama nɛ e bee kaŋɛ fanɛ: “Ma ere nyi mo,” mo alɛ nsaa maa bɛ Ebɔrɛ na be mmalga naseso so, amodoŋwura la efɛpo nna nɛ kashenteŋ na malɛ maŋ wɔ mo to.