Hoziya 8:12 - EBƆRƐ BE KAWƆL

¹² Mbra damta nɛ n sibɛ n sa menyi, ama men kini amo kikɛ nseŋ kaŋɛ fanɛ a la keŋini pɔtɛ nna.

Hoziya 8:12 Iomraidhean Croise

Nehemaya 9:26

Ade kikɛ be kaman b kraŋ lar fo kaman nseŋ kini kewora fo mbra kasonu. B daŋ mɔ fo anebiana nɛ b daŋ kpele bumo kusoe fanɛ b bɛta m ba fo kutɔ na nna. Kumo be kaman nɛ b shoduu fo ketre.

Nshɛ 119:18

Bugi ma nfɛra to nɛ n tiŋ m pin emamachisheŋ nɛ e wɔ fo mbra to.

Nshɛ 50:17

Men kini ma keŋini nsaa kplaŋ ma mbra so.

Aŋasa 22:20

M maŋ sibɛ mmalgamu adesa n sa fo, nɛ a baa ŋini fo asheŋ nsaa sa fo lakal,

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Ezikɛl 20:11

Ndoŋ nɛ n sa bumo ma mbraana nɛ ma keŋini, nɛ b wora amo kasonu nseŋ pin kananɛ baŋ baa keta bumo be amu.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Romebi 3:1

To, nɛ nuso be kechɔ nɛ Juwebi chɔ basa pɔtɛ? Ŋko manɛ be tɔnɔ nɛ katutuku kɔ?

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.