Hoziya 8:10 - EBƆRƐ BE KAWƆL

¹⁰ Ama meeŋ bar menyi abar so m ba gberge menyi kusoe. Kumo alɛ maaŋ chɛr nɛ Asiriya be efuli so be ewurgboŋ na e mɛaŋ menyi ga nɛ men luri ebesa to.

Hoziya 8:10 Iomraidhean Croise

2 Bewura 14:26

Enyɛnpe Ebɔrɛ na daŋ chɛ ewura Jeroboam to nna nɛ e kɔ m pɔɔ so ŋkpal e ka wu kananɛ ekama, anya nɛ bumo nɛ b maŋ la anya kikɛ, wɔ kagbenejija nɛ tɔrɔ to, nɛ kananɛ esa kikɛ malɛ maŋ wɔtɔ nɛ e chɛ bumo to so.

2 Bewura 17:3

Saŋɛ so nɛ Hoshiya bee ji kuwura na, Asiriya be ewurgboŋ Shalmaneesa daŋ kre kena nna n ya kɔ m pɔɔ Israɛl so nɛ ewura Hoshiya bee ka lampo a sa mo kafɛ kikɛ.

2 Bewura 17:4

Kafɛ ko nɛ ewura Hoshiya shuŋi mbɔ Ijipt be efuli so be ewura nɛ baa tre Soo na kutɔ a fin fanɛ e chɛ mo to nɛ e sa maŋ naa ka kafɛ kafɛ kikɛ be lampo na a sa Asiriya be ewura na. Ewurgboŋ Shalmaneesa ka nu loŋ na, nɛ e shin nɛ b pɛ Hoshiya n ti ebu.

1 Kronikɛls 5:26

Amoso Ebɔrɛ daŋ shin nna nɛ Asiriya be ewura Puul nɛ mbe ketre ko bee ji Tiglaf Pilesa na, ya kɔ bumo be efuli na m pɔɔ bumo so. E daŋ pɛ Ruben nɛ Gad nɛ Manase be epeŋilarkpa be kaba so be basa nna n tintiŋ bumo n yɔ nde wɔfɔ nɛ baa tre Haala nɛ Haabɔ nɛ Haara nɛ a mata Gozan be Lɔr na n shin nɛ b chena ndoŋ hale kabre.

Aizaaya 10:8

E daa puchi nna a kaŋɛ le: “Ma benapo be bejuŋkparpoana na be ekama la ewura nna!

Aizaaya 30:2

Ade be kaman, baa yɔ Ijipt be efuli so nna n ya kaa fin kechɛto a maa bishi ma shɛŋ. Baa sha fanɛ Ijipt e baa kuŋ bumo nna, amoso b ta bumo be yirda nna n wɔtɔ Ijipt be ewura to.

Aizaaya 36:13

Kumo be kaman nɛ e ponte awɔrso ŋ kaŋɛ le Hibruw be gbar to, saŋɛ na so, ekama nɛ e wɔ ndoŋ beeŋ nu: “Men nu kusɔ nɛ Asiriya be ewurgboŋ bee kaŋɛ menyi.

Jɛremaya 42:2

m ba kaŋɛ ma le: “Jande, wora kusɔ nɛ anyee kule fo ere n sa anyi. Kule Enyɛnpe, anyi be Ebɔrɛ na n sa anyi kikɛ nɛ an ji efute nsaa wɔ ŋkpa to ere. Jemanɛ nɛ k choŋ na an daa shi nna, ama fo gbagba beeŋ tiŋ n wu fanɛ naniere anyi basa gbrɛbi e ka.

Ezikɛl 16:33

Sakaleche kikɛ bee sɔ amansherbi nna, ama fo ere e naa sa fo jipoana asɔ, a lɔlɔ bumo nɛ b baa shi kaplɛkama a ba m ba kaa di fo.

Ezikɛl 16:37

meeŋ gama fo jipoana nɛ fee sha nɛ bumo nɛ fo kishi kikɛ abar so. Nseŋ shin nɛ b yili ŋ kulti fo nɛ n delge fo so bumo kikɛ be anishito nɛ b wu fo kayurkpaŋ.

Ezikɛl 22:20

fanɛ kananɛ baa chala gbiti ŋko danyaŋ ŋko abɛlso ŋko epal a wɔtɔ edɛ to a lɔŋɛ amo so nna. Ma agbo gboŋ beeŋ ba bumo so ashi Jerusalɛm to, fanɛ edɛ nɛ k bee ŋalga abɛlso be yiri yiri na.

Ezikɛl 23:5

Ohola daŋ kra la ma eche nna nsaa ji kesakalea nsaa kɔ kayɛlga lubi n sa mo jipoana nɛ b shi Asiriya be efuli so na.

Ezikɛl 26:7

Kumo be kaman, nɛ Enyɛnpetale Ebɔrɛ na naŋ kaŋɛ: “Meeŋ shin nɛ Babilɔn be ewura Nebukadneeza, nɛ e la bewura to be ewura na, e shi kelargato be esoso be kaba so m ba kɔ Tayɛ be basa. E beeŋ keta benapo damta nɛ b kɔ egbaŋɛ nɛ egbaŋɛturko nɛ egbaŋɛ diipoana nna m ba.

Danɛl 2:37

Yiramu, fo e la bewura kikɛ to be ewurgboŋ. Ebɔrɛ nɛ e wɔ esoso na malɛ e ta fo ŋ ki ewurgboŋ nseŋ ta eleŋ nɛ bunyaŋ n sa fo.

Hoziya 10:10

Meeŋ ya kɔ basa lubi ere kena nseŋ gberge bumo kusoe. Efuli pɔtɛana beeŋ wora kɔnɔkoŋwule ŋ kɔ bumo kena nseŋ gberge bumo kusoe ŋkpal bumo be alubi damta so.

Hoziya 12:2

Enyɛnpe Ebɔrɛ kɔ asheŋ ko nɛ e malga ŋ gbiti Judaebi. E beeŋ gberge bumo kusoe ŋkpal kusɔ nɛ b wora so.

Heegai 2:6

K maaŋ chɛr, meeŋ naŋ gbuŋgbuŋ ebɔrɛso nɛ kasawule so nɛ teku nɛ kasawule wɔlso kikɛ.