Hoziya 7:8 - EBƆRƐ BE KAWƆL

⁸ Enyɛnpe Ebɔrɛ yɛ: “Israɛl be basa du nna fanɛ bodobodo nɛ k maŋ bel nna. Efuli pɔtɛana be basa kutɔ nɛ baa yɔ n ya kaa fin kechɛto.

Hoziya 7:8 Iomraidhean Croise

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

Ɛzra 9:1

Asheŋ ere kikɛ ka wora n loge be kaman, nɛ Israɛlebi be bejuŋkparpo na ba kaŋɛ ma fanɛ basa na nɛ bɔrɛmatapoana na nɛ Livaiebi na kra maŋ lara bumo be amu ashi basa nɛ b chena ŋ kulti bumo na be asheŋ woraso lubi to. B ta bumo be amu n wɔtɔ Keenanebi nɛ Hitebi nɛ Pɛrizebi nɛ Jebusiebi nɛ Ammɔnebi nɛ Mowabebi nɛ Ijiptebi nɛ Amɔriebi be mbushusheŋ nɛ b daa wora to nna.

Ɛzra 9:12

Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Nshɛ 106:35

Ama b daŋ ji bumo keteri nna hale a wora asheŋ nnyamase na be edaŋkare be ekpa so.

Hoziya 5:13

Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 5:7

B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.

Hoziya 7:9

Bumo alɛ maŋ nyi fanɛ bumo be egbɛ nɛ b ta n deŋi efuli pɔtɛana so ere so nɛ b maŋ naa kɔ eleŋ na. Baaŋ bel n fuli amu nɛ efuli pɔtɛana so ebi e baa kraa ji bumo so eleŋ nɛ bumo alɛ maŋ nyi.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.