Hoziya 7:5 - EBƆRƐ BE KAWƆL

⁵ Kachɛ nɛ bumo be ewura bee ji eyur na nɛ b shin nɛ mo nɛ mbe benimuana na nuu nsa m boo a wora kawulisheŋ.

Hoziya 7:5 Iomraidhean Croise

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

1 Bewura 13:4

Ewura Jeroboam ka nu loŋ, nɛ e teŋi enɔ ŋ ŋini anebi na nseŋ kaŋɛ: “Men pɛ mo!” Epul na to nɛ mbe enɔ na wɔl nɛ e nyɔŋ kumo to ŋ gben.

Nshɛ 1:1

Kagbenefuli la bekama nɛ b maa sɔ alubiworapoana be kasotoji, ŋko a kute alubiworapoana to a wora asheŋ, ŋko a tu basa nɛ b maŋ kɔ saŋɛ a sa Ebɔrɛ na peya nna.

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 28:14

To, menyi basa kpeŋso nɛ menyee ji kuwura basa ere so ashi Jerusalɛm to na e kaŋ asoe n nu kusɔ nɛ Enyɛnpe Ebɔrɛ na bee kaŋɛ.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Matiu 14:6

Ama Hɛrɔd be kakurgeachɛ ko nɛ Hɛrodias pibiche lar m ba cha basa damta nɛ b daŋ shɛr ndoŋ na be anishito, nɛ k par Hɛrɔd ga

Maak 6:21

Ama kachako Hɛrodias nya kusɔ nɛ e daa sha na. Kumo be kamɔnchɛ daa la Hɛrɔd be kakurgeachɛ nna nɛ e wora kejigboŋ n sa abane be benimu nɛ benapo be benimu nɛ Galili be bebunyampoana.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.