Hoziya 7:16 - EBƆRƐ BE KAWƆL

¹⁶ B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

Hoziya 7:16 Iomraidhean Croise

Nshɛ 12:3

Enyɛnpe Ebɔrɛ, shin nɛ kafule be mmalga belbelso na e ku, nɛ adonduloŋ nɛ a bee ji njɔŋ a kaŋɛ fanɛ

Nshɛ 12:4

anyi be mmalga bee sa anyi kusɔ kama nɛ anyee sha nna. Anyeeŋ kaŋɛ kusɔ kama nɛ k tir anyi nɛ esa kama maaŋ tiŋ ŋ kaŋɛ fanɛ an loto.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 17:10

B maa wu kuwɔr nsaa ji njɔŋ.

Nshɛ 52:2

Asheŋ lubi nɛ fee kre saŋkikɛ; fo kudonduloŋ fɛpo na bee ji fanɛ bɔrfɔ nna.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 73:9

Baa malga mmalga lubi a gbiti Ebɔrɛ nna, nsaa malga ŋkpensheŋ so ekama kutɔ durnya to.

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Ezikɛl 23:32

Ade kikɛ be kaman, nɛ Enyɛnpetale Ebɔrɛ na kaŋɛ fanɛ “Kurwa nɛ fo da nuu to na nɛ fo alɛ gba beeŋ nuu to, k la kurwa nɛ k shi nsaa du chuŋguluŋ nna. Ekama beeŋ keni fo jiga nseŋ wora fo eyur to, ŋkpal manɛ so, ma agbogboŋ e bɔlɔ kurwa na to.

Ezikɛl 36:20

Kaplɛkama malɛ nɛ b yɔ, b daa ŋaba ma ketre cheembi na nna; ŋkpal manɛ so, le nɛ efuli pɔtɛana be basa daa kaŋɛ: ‘Enyɛnpe Ebɔrɛ na be basa nna na. E tintiŋ bumo nna n lar bumo gbagba be kasawule so.’

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Hoziya 11:5

Ama b kraŋ kini k ba ŋ kutɔ nseŋ bɛta n yɔ Ijipt be efuli so. Naniere, Asiriyaebi e naaŋ baa ji bumo so eleŋ.

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Hoziya 9:4

Men maaŋ naŋ nya nsa belbelso n lara sarga n sa Enyɛnpe Ebɔrɛ na. Men be esarga kikɛ maaŋ bɔlɔ mo kenishi. Ŋkpal manɛ so a beeŋ baa du nna fanɛ keelibuna be ajibi na. Akoŋ so nɛ menyeeŋ kpal n ji amo, ama men maaŋ ta ajibi na be kekama n ya lara sarga ashi Enyɛnpe Ebɔrɛ be lambu to.

Hoziya 9:6

Hale men baa shile a ŋana gba, Ijipt be efuli so nɛ menyeeŋ ya lar nɛ b puli menyi ashi bumo be kade nɛ baa tre Mɛmfis na to. Menyi be gbiti be ekpanjawu na beeŋ shir kupuŋ to nɛ afitiri e kɔr menyi be ewajɛbu to.

Malakai 3:13

Enyɛnpe na yɛ, “Men ku asheŋ lubi damta n deŋi ma, ama le nɛ menyee bishi, ‘Manɛ be asheŋ nɛ an ku n deŋi fo?’

Malakai 3:14

Men yɛ, ‘K la kawulisheŋ nna fanɛ esa ka beeŋ baa shuŋ Ebɔrɛ, ŋko a wora kusɔ nɛ Ebɔrɛ bee sha ŋko a kaŋɛ Enyɛnpe Ebɔrɛ fanɛ e bee kule mo alubi be ketampaŋ. Manɛ be tɔnɔ nɛ e bee nya kumo to?

Matiu 12:36

Ma e kaŋɛ menyi na fanɛ demujiachɛ na ekama beeŋ kute kesariaso be kamalga jiga kama nɛ e malga be kifito.

Luuk 8:13

Asɔ duuso nɛ a tɔr kejasawule so na du fanɛ basa nɛ baa nu kamalga na nsaa sɔ kumo nɛ kagbenefuli na nna. Ama k maa luri bumo to nɛnɛ, amoso, b maa yirda a yɔ kufɔ. Kechɔŋkeni be jemanɛ baŋ ya fo nɛ b bɛ so ŋ gben.

Jeems 3:5

To, loŋ gbagba chap nɛ esa be kudonduloŋ du. K maŋ shi, ama kumo alɛ bee ji asɔgboŋ be njɔŋ ga. Ekama nyi kananɛ edɛ be kudondulombi ka bee tiŋ a chɔɔ kupuŋgboŋ ŋko?

2 Pita 2:8

ŋkpal manɛ so, e ka daa la esa lela nseŋ daa wɔ bumo to kapa nɛ kanyɛ na so, mbe kagbene daa maŋ dese mo ŋkpal asɔ jiga nɛ e daa wu nɛ amo nɛ e daa nu so.

Kelaraŋŋini 13:5

B daŋ sa kusɔbɔya na kɔnɔ nna nɛ e malga ŋkpenso be mmalga nɛ mmalga mo nɛ a bee ji Ebɔrɛ emɔrɔ nseŋ nya ekpa nɛ e ji mbe eleŋ afɔl adena nɛ anyɔ.