Hoziya 7:14 - EBƆRƐ BE KAWƆL

¹⁴ B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Hoziya 7:14 Iomraidhean Croise

Ɛksodɔs 32:6

Kumo be ŋklade, chipurdidi nɛ basa na lara esarga chɔɔso nɛ kɔnɔkoŋwuleso be esarga. Kumo be kaman nɛ b chena n ji nseŋ nuu nsa mboo ŋ koso a wora kusɔjigaya be asheŋ.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 52:5

Naniere aloŋ e naaŋ wora ashi Babilɔn be efuli so gba. Men la anya nna, ama b maŋ ka shɛŋ n tɔ menyi. Bekama nɛ baa ji kuwura menyi so na bee puchi nna nsaa wu bumo be amu a wɔtɔ ma a keni ma jiga.

Aizaaya 65:14

Ma nyɛrbi beeŋ baa mushe nsaa boŋ nshɛ kagbenefuliso, ama menyi ere be ŋgbene beeŋ jija menyi nɛ men baa shu.

Jɛremaya 12:2

Fo e duu bumo fanɛ ndibi nɛ baa mur achin, nsaa daŋ a sɔr asɔrso. B baa malga fo asheŋ lela gba be asheŋ, k maa shi bumo be ŋgbene to.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Nfabel 2:18

Jerusalɛmebi, men shu ŋgbene to ŋ ŋini Enyɛnpe Ebɔrɛ na. Kapa nɛ kanyɛ, men shin nɛ men be anishichubi e baa shile fanɛ lɔr na. Men shu hale nɛ men be ebɔl e ya fɛa!

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Hoziya 3:1

Ndoŋ nna nɛ Enyɛnpe Ebɔrɛ naŋ kaŋɛ ma Hoziya le: “Naŋ laŋɛ n ya kaa sha fo eche nɛ e la sakaleche a kɔ bejipo na. Baa sha mo fanɛ kananɛ ma alɛ gba bee sha Israɛlebi nɛ b shile ma n yaa ka shuŋ agbir, hale a lara asɔrso nɛ baa tre greep na be awɔlso be esarga a sa amo na.”

Hoziya 8:2

Kashenteŋ nna fanɛ baa tre ma bumo be Ebɔrɛ nsaa kaŋɛ fanɛ ma basa e la bumo, nɛ b nyi ma,

Eemɔs 2:8

Epiŋi nɛ b ta n nase tarma n sa bumo na nɛ baa ta a nase bumo be agbir be mboŋ a dese so. Bumo be agbirlambu to nɛ baa chena a nuu nsa nɛ b sɔ ashi basa nɛ b ji bumo be akɔ na kutɔ.

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Zakareya 7:5

E yɛ: “Kaŋɛ efuli na so ebi nɛ bɔrɛmatapoana na fanɛ mannɛ ma ere be kemaŋkura so nɛ b daa kishi nsaa shu nli kufɔl nusopo nɛ keshunusopo na to nfɛ adushunu nɛ a choŋ na.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.

Demujipoana 9:27

Jemanɛ nɛ baa chuge asɔrso nɛ baa tre greep na ka fo, nɛ ekama yɔ mbe ndibisɔrso be ndɔana to n ya chuge asɔrso nɛ baa tre greep na n loge, nɛ b nyaŋ amo be nchu na n wora yabra belbelso nɛ b luri bumo be kegbir be lambu to nseŋ wora kejigboŋ ashi bumo be kegbir ase. B ka bee ji nsaa nuu na kikɛ nɛ bumo alɛ bee melgi Abimelɛk.